കോഴിക്കോട്:കോഴിക്കോട് കോവൂരിൽ ഓടയിൽ വീണ് കാണാതായ മധ്യവയസ്ക്കന്റെ മൃതദേഹം കണ്ടെത്തി. 58കാരനായ ശശിയുടെ മൃതദേഹം കാണാതായ സ്ഥലത്തു നിന്ന് ഏതാണ്ട് 300 മീറ്റർ അകലെ ഇഖ് റ ക്ലിനിക്കിന് സമീപത്താണ് കണ്ടെത്തിയത്. ഓവുചാലിൽ ഒഴുകി പോവുകയായിരുന്നുവെന്നാണ് കരുതുന്നതെന്ന് പൊലിസ് പറഞ്ഞു. നാട്ടുകാരാണ് കണ്ടെത്തിയത്. 

ഓവുചാലിന് സമീപത്തുണ്ടായിരുന്നു ബസ് സ്റ്റോപ്പിലാണ് അദ്ദേഹവും സുഹൃത്തുക്കളുമുണ്ടായിരുന്നത്. തുറന്നിട്ട രീതിയിലുള്ള ഒവുചാലായിരുന്നു. ശക്തമായ മഴ കാരണം പ്രദേശത്ത് വെള്ളം നിറഞ്ഞതിനാൽ ഓവുചാൽ തിരിച്ചറിയാനായില്ല. കാലു തെറ്റി വെള്ളത്തിലേക്ക് വീണ് ശശിയെ രക്ഷിക്കാൻ ഒപ്പമുണ്ടായിരുന്നവർ ശ്രമിച്ചെങ്കിലും ഒഴുക്കിൽ പെടുകയായിരുന്നുവെന്നും നാട്ടുകാർ പറയുന്നു. 

ഉടൻ തന്നെ പൊലിസിലും ഫയർ ഫോഴ്സിലും അറിയിച്ചു. അവരെത്തി തെരച്ചിൽ ആരംഭിച്ചു. കനത്ത മഴയിൽ ഓട കവിഞ്ഞൊഴുകിയതും ശക്തമായ കുത്തൊഴുക്കുണ്ടായതും അപകടത്തിന് കാരണമായതായാണ് പ്രാഥമിക വിലയിരുത്തൽ. ഒരുമണിക്കൂറിലധികം അതിശക്തമായ മഴ പെയ്തതോടെ, കനത്ത ജലപ്രവാഹം തെരച്ചിലിനെ ബാധിച്ചതിനാൽ  നിർത്തി വെക്കുകയായിരുന്നു. പിന്നീട് തെരച്ചിൽ ഇന്ന് രാവിലെ വീണ്ടും പുനരാരംഭിച്ചു. 

മൃതദേഹം മെഡിക്കൽ കോളജിലേക്ക് കൊണ്ടുപോവും. പോസ്റ്റ്മോർട്ടം നടപടികൾക്ക് ശേഷം ബന്ധുക്കൾക്ക് വിട്ടു നൽകും. 

The body of 58-year-old Shashi, who went missing after falling into a drain in Kovoor, Kozhikode, was found 300 meters away near Iqra Clinic.