ന്യൂഡൽഹി: 2025 ഏപ്രിൽ 1 മുതൽ പ്രാബല്യത്തിൽ വരുന്നതിന്‍റെ ഭാഗമായി പെൻഷൻ ഫണ്ട് റെഗുലേറ്ററി ആൻഡ് ഡെവലപ്‌മെന്റ് അതോറിറ്റി (PFRDA) ഏകീകൃത പെൻഷൻ പദ്ധതിയുടെ മാർഗനിർദേശങ്ങൾ പുറത്തിറക്കി. നാഷണൽ പെൻഷൻ സ്കീം (NPS) പരിധിയിലുളള സർക്കാർ ജീവനക്കാർക്ക് നിലവിൽ തുടരാനോ, പുതിയ പദ്ധതിയിൽ ചേരാനോ അവസരമുണ്ട്. 2025 മാർച്ച് 31-നോ അതിനുമുമ്പോ വിരമിക്കുന്ന എല്ലാ കേന്ദ്ര സർക്കാർ ജീവനക്കാർക്കും ഈ പദ്ധതി വഴി പെൻഷൻ ലഭിക്കും.

ഏകീകൃത പെൻഷൻ പദ്ധതിക്ക് അർഹതയുള്ളവർ

-2004 ഏപ്രിൽ 1 ശേഷം സർവീസിൽ പ്രവേശിച്ച എല്ലാ സർക്കാർ ജീവനക്കാർക്കും പദ്ധതിയിൽ ചേരാം.

-25 വർഷം സേവനം പൂർത്തിയാക്കിയവർക്ക് ഉറപ്പായ പെൻഷൻ ലഭിക്കും.

-10 വർഷം സേവനം പൂർത്തിയാക്കിയവർക്ക് പ്രതിമാസം 10,000 പെൻഷൻ ലഭിക്കും.

-ജീവനക്കാരുടെ മരണത്തിന് ശേഷം ആശ്രിതർക്ക് കുടുംബ പെൻഷൻ ലഭിക്കും (മരണസമയത്ത് ലഭിച്ച പെൻഷൻ തുകയുടെ 60%).

ഏകീകൃത പെൻഷൻ പദ്ധതിയുടെ പ്രധാന സവിശേഷതകൾ

25 വർഷം സേവനം പൂർത്തിയാക്കിയവർക്ക്, വിരമിക്കൽ മുൻപ് ലഭിച്ച അവസാന 12 മാസത്തെ അടിസ്ഥാന ശമ്പളത്തിന്റെ 50% തുല്യമായ തുക പെൻഷനായി ലഭിക്കും. 10-25 വർഷം സേവനം ചെയ്തവർക്ക്, ആനുപാതികമായ പെൻഷൻ ലഭിക്കും.

 കുടുംബ പെൻഷൻ:

ജീവനക്കാരൻ മരണപ്പെട്ടാൽ, ആശ്രിതർക്ക് 60% കുടുംബ പെൻഷൻ ലഭിക്കും.

 മിനിമം പെൻഷൻ:

10 വർഷം സേവനം പൂർത്തിയാക്കിയവർക്ക് കുറഞ്ഞത് 10,000 പ്രതിമാസം പെൻഷൻ ലഭിക്കും.
പദ്ധതിയുടെ ഭാഗമായി അടുത്ത സാമ്പത്തിക വർഷം മുതൽ കുടുംബ പെൻഷനും ലഭ്യമാകും. സുരക്ഷിതമായ ഭാവി ഉറപ്പാക്കുന്നതിനുള്ള ഈ മാറ്റങ്ങൾ റിട്ടയർ ചെയ്യുന്ന സർക്കാർ ജീവനക്കാർക്കും കുടുംബത്തിനും കൂടുതൽ സാമ്പത്തിക സ്ഥിരത നൽകുമെന്ന് പിഎഫ്ആർഡിഎ അറിയിച്ചു.

The Pension Fund Regulatory and Development Authority (PFRDA) has released guidelines for the Unified Pension Scheme, set to take effect from April 1, 2025. Government employees under the National Pension System (NPS) can choose to continue or switch to the new scheme.