ദുബൈ: വിശുദ്ധ റമദാനിലെ അവസാന 10 ദിവസങ്ങളില്‍ ഷെയ്ഖ് സായിദ് ഗ്രാന്‍ഡ് മോസ്‌കിലെ സന്ദര്‍ശകര്‍ക്ക് സേവനം നല്‍കുന്നതിനായി 100-ലധികം ടാക്‌സികള്‍ ഏര്‍പ്പെടുത്തി അബൂദബി.

ഗതാഗത സൗകര്യം എളുപ്പത്തിലാക്കുന്നതിനു വേണ്ടിയാണ് ഈ നീക്കമെന്ന് അധികൃതര്‍ പറഞ്ഞു. പള്ളിയിലേക്കും തിരിച്ചുമുള്ള വിശ്വാസികളുടെ സുരക്ഷയ്ക്കും സൗകര്യത്തിനും വേണ്ടിയുള്ള ഗതാഗത നിയന്ത്രണം ഉറപ്പാക്കാനാണ് അബൂദബി മൊബിലിറ്റി ഈ സംരംഭം നടപ്പാക്കിയിരിക്കുന്നത്. 

റമദാനിലെ അവസാനത്തെ 10 ദിവസങ്ങള്‍ വര്‍ഷത്തിലെ ഏറ്റവും പുണ്യകരമായ സമയമായി കണക്കാക്കപ്പെടുന്നു. പല ഭവിശ്വാസികളും രാത്രി മുഴുവന്‍ ആരാധനയ്ക്കായി നീക്കിവയ്ക്കും. 

ഖിയാമുല്‍ലൈലിന്റെ കൃത്യമായ സമയവും ദൈര്‍ഘ്യവും പള്ളികള്‍ അനുസരിച്ച് വ്യത്യാസപ്പെടുന്നു. അതേസമയം, റമദാന്‍ അവസാനം വരെ രാത്രിയിലെ തറാവീഹ് നമസ്‌കാരങ്ങള്‍ പതിവുപോലെ തുടരും.

Over 100 taxis will be deployed to serve visitors to the Sheikh Zayed Grand Mosque during the last 10 days of Ramadan, ensuring convenient transportation for those attending prayers and activities at the iconic mosque