തലശ്ശേരി: ക്ഷേമ പെന്‍ഷനുകള്‍ സഹകരണ ബേങ്കുകള്‍ വഴി വീടുകളില്‍ എത്തിക്കുന്ന നടപടി സി.പി.എം മേളയായി ദുരുപയോഗം ചെയ്യുന്നതായി തലശ്ശേരി മുനിസിപ്പള്‍ മുസ്‌ലിംലീഗ് നേതൃയോഗം കുറ്റപ്പെടുത്തി.
മുനിസിപ്പല്‍ ചെയര്‍മാന്‍ വിളിച്ചു ചേര്‍ത്ത വാര്‍ഡ് കൗണ്‍സിലര്‍മാരുടെ യോഗത്തില്‍ ബന്ധപ്പെട്ട മുനിസിപ്പല്‍ ഉദ്യോഗസ്ഥന്‍മാര്‍ കൗണ്‍സിലര്‍മാരെ അറിയിച്ച് പെന്‍ഷന്‍കാരുടെ വീടുകളില്‍ എത്തിക്കാന്‍ തീരുമാനിച്ചെങ്കിലും ഉദ്യോഗസ്ഥര്‍ പ്രാദേശിക സി.പി.എം നേതാക്കളുടെ നേതൃത്വത്തില്‍ വീടുകളില്‍ ചെന്ന് തെറ്റായ പ്രചരണം നടത്തുകയാണെന്നും ആരോപണം ഉയര്‍ന്നു.
യോഗത്തില്‍ പ്രസിഡണ്ട് എ.പി മഹമൂദ് അധ്യക്ഷനായി. അഡ്വ.കെ.എ ലത്തീഫ്, അഡ്വ.പി.വി സൈനുദ്ദീന്‍, സി.കെ, പി മമ്മു, എ.കെ ആബൂട്ടിഹാജി, എന്‍ മൂസ, അഹമ്മദ് എന്‍വര്‍ ചെറുവക്കര, പി.പി ഖാലിദ്, സാജിത സംസാരിച്ചു.