ന്യൂഡല്‍ഹി: എംപിമാരുടെ ശമ്പളവും ആനുകൂല്യങ്ങളും വര്‍ധിപ്പിച്ച് കേന്ദ്രസര്‍ക്കാര്‍ വിജ്ഞാപനം പുറത്തിറക്കി. ശമ്പളം നേരത്തെ 1 ലക്ഷം രൂപയായിരുന്നു, ഇത് 1,24,000 രൂപയായി ഉയര്‍ത്തി. പ്രതിദിന അലവന്‍സും 2000 രൂപയില്‍ നിന്ന് 2500 രൂപയാക്കി വര്‍ധിപ്പിച്ചു. പുതുക്കിയ നിരക്ക് 2023 ഏപ്രില്‍ ഒന്നുമുതല്‍ മുന്‍കാല പ്രാബല്യത്തോടെ പ്രാബല്യത്തിലാവും.

നിലവിലെ എംപിമാര്‍ക്ക് 24 ശതമാനത്തിന്റെ ശമ്പള വര്‍ധനയാണ് ലഭിച്ചത്. മുന്‍ എംപിമാരുടെ പെന്‍ഷന്‍ 25,000 രൂപയില്‍ നിന്ന് 31,000 രൂപയായി വര്‍ധിപ്പിച്ചിട്ടുമുണ്ട്.

എംപിമാരുടെ ശമ്പളത്തിലും ആനുകൂല്യങ്ങളിലും 2018ല്‍ ആയിരുന്നു അവസാനമായി പരിഷ്‌കരണം നടത്തിയത്. നിലവില്‍ ലോക്സഭയില്‍ 543 അംഗങ്ങളും രാജ്യസഭയില്‍ 245 അംഗങ്ങളുമുണ്ട്.

The central government has increased MPs' salaries and allowances, raising the monthly salary from 1,00,000 to 1,24,000. The daily allowance has also been increased from 2,000 to 2,500. The revised rates are effective retroactively from April 1, 2023. Former MPs' pensions have been raised from 25,000 to 31,000. The last revision was in 2018.