മസ്‌കത്ത്: റമദാന്‍ മാസത്തില്‍ മസ്‌കത്തിലെ പ്രധാന റോഡുകളില്‍ ഗതാഗതക്കുഴപ്പം കുറയ്ക്കാന്‍ റോയല്‍ ഒമാന്‍ പൊലീസ് (ആര്‍.ഒ.പി) പുതിയ നിയന്ത്രണങ്ങള്‍ പ്രഖ്യാപിച്ചു. അതിനനുസരിച്ച്, ഞായര്‍ മുതല്‍ വ്യാഴം വരെ രാവിലെ 7 മുതല്‍ 9:30 വരെ, ഉച്ചക്ക് 12 മുതല്‍ 4 വരെ ട്രക്കുകള്‍ സഞ്ചരിക്കാന്‍ പാടില്ല. ശനിയാഴ്ച വൈകിട്ട് 6 മുതല്‍ 10 വരെ ചില പ്രധാന റോഡുകളില്‍ ട്രക്ക് ഗതാഗതം നിയന്ത്രണത്തിലാകും.

ഈ നിയന്ത്രണങ്ങള്‍ സുല്‍ത്താന്‍ ഖാബൂസ് റോഡ്, സുല്‍ത്താന്‍ തുവെയ്‌നി ബിന്‍ സൈദ് റോഡ്, മസ്‌കത്ത് ഗവര്‍ണറേറ്റിലെ മറ്റ് പ്രധാന റോഡുകള്‍ എന്നിവയെ ബാധിക്കും. റോഡുകളില്‍ പരിശോധന കര്‍ശനമാക്കിയിരിക്കുന്നതായും, നിയന്ത്രണങ്ങള്‍ മറികടക്കുന്ന ഡ്രൈവര്‍മാര്‍ക്കെതിരെ നടപടി സ്വീകരിക്കുമെന്നും ഒമാന്‍ പൊലീസ് വ്യക്തമാക്കി.

റമദാന്‍ സമയങ്ങളില്‍ രാവിലെയും, ഉച്ചയ്ക്കും വൈകിട്ടും പ്രധാന റോഡുകളില്‍ വാഹനങ്ങളുടെ എണ്ണത്തില്‍ വളരെയധികം വര്‍ധനവ് ഉണ്ടാകാറുണ്ടെന്ന് അധികരാകള്‍ പറഞ്ഞു. അതുകൊണ്ട് ട്രക്കുകളുടെ ഗതാഗതം നിയന്ത്രിക്കപ്പെടുന്നതായും, ഇത് യാത്രക്കാര്‍ക്ക് സൗകര്യം നല്‍കുകയും ഗതാഗതം സുഗമമാക്കുകയും ചെയ്യുന്നതായും അറിയിച്ചു.

ഒമാന്‍ പൊലീസ് ട്രക്ക് ഡ്രൈവര്‍മാരോടും, ട്രാന്‍സ്‌പോര്‍ട്ട് കമ്പനികളോടും നിയമങ്ങള്‍ കൃത്യമായി പാലിക്കാനും, നിയന്ത്രണങ്ങള്‍ മറികടക്കാതിരിക്കാനും ആവശ്യപ്പെട്ടു.  ഈ നിയന്ത്രണങ്ങള്‍ ഗതാഗത സുരക്ഷ ഉറപ്പാക്കുന്നതിന് മാത്രമല്ല, റമദാന്‍ മാസത്തില്‍ പൊതുജനങ്ങള്‍ക്ക് യാത്ര ചെയ്യുന്നത് എളുപ്പമാക്കാനും സഹായിക്കുന്നതായും ഉറപ്പാക്കും എന്ന് അധികൃതര്‍ വ്യക്തമാക്കി.

During Ramadan 2026, the Royal Oman Police (ROP) has announced restrictions on truck movement in Muscat to reduce traffic congestion. Key roads will have specific time limits for trucks to ensure smoother traffic and commuter safety.