മംഗളൂരു: കലബുറുഗിയിൽ സെപ്റ്റിക് ടാങ്ക് വൃത്തിയാക്കുന്നതിനിടെ ശ്വാസംമുട്ടി രണ്ട് തൊഴിലാളികൾ മരിച്ചു. മദരസനഹള്ളി സ്വദേശി ശിവകുമാർ നന്ദുർക്കർ (51), ഇന്ദിരാ നഗർ സ്വദേശി രത്തൻ ഹോട്കർ (58) എന്നിവരാണ് മരിച്ചത്. ഹിരാപൂർ പ്രദേശത്തെ ബാബലദ റോഡിന് സമീപമുള്ള ഒരു വീട്ടിലായിരുന്നു അപകടം.

ALSO READ: തിരുവനന്തപുരത്ത് ചാക്കിൽ കെട്ടിയ നിലയിൽ രണ്ട് തലയോട്ടികളും അസ്ഥികളും കണ്ടെത്തി; തലയോട്ടിയിൽ 'വാസു' എന്നെഴുതിയ നിലയിൽ

വീട്ടിലെ സെപ്റ്റിക് ടാങ്ക് വൃത്തിയാക്കാനായി ആദ്യം ഇറങ്ങിയ ശിവകുമാർ ടാങ്കിനുള്ളിൽ കുടുങ്ങുകയായിരുന്നു. ഉള്ളിലെ വിഷവാതകം ശ്വസിച്ച് അബോധാവസ്ഥയിലായ സുഹൃത്തിനെ രക്ഷിക്കാനായി ടാങ്കിലേക്ക് ഇറങ്ങിയതായിരുന്നു രത്തൻ ഹോട്കർ. എന്നാൽ രത്തനും ശ്വാസംമുട്ടി ടാങ്കിൽ അകപ്പെടുകയായിരുന്നു.

നാട്ടുകാർ വിവരം അറിയിച്ചതിനെ തുടർന്ന് സ്ഥലത്തെത്തിയ അധികൃതർ ഇരുവരെയും പുറത്തെടുത്തെങ്കിലും ജീവൻ രക്ഷിക്കാനായില്ല. സംഭവത്തിൽ അശോക് നഗർ പൊലിസ് അസ്വാഭാവിക മരണത്തിന് കേസ് രജിസ്റ്റർ ചെയ്ത് അന്വേഷണം ആരംഭിച്ചു.

Two laborers died due to suffocation while cleaning a septic tank in Kalaburagi. The victims have been identified as Shivakumar Nandurkar (51) and Rattan Hotkar (58).