വിശാഖപട്ടണം: ഐപിഎല്ലിൽ ഡൽഹി ക്യാപിറ്റൽസിനെതിരെ കൂറ്റൻ ടോട്ടലുമായി ലഖ്‌നൗ സൂപ്പർ ജയന്റ്സ്. മത്സരത്തിൽ ടോസ് നഷ്ടപ്പെട്ട് ആദ്യം ബാറ്റ് ചെയ്ത ലഖ്നൗ 20 ഓവറിൽ എട്ടു വിക്കറ്റ് നഷ്ടത്തിൽ 209 റൺസ് ആണ് നേടിയത്. ഓസ്ട്രേലിയൻ സ്റ്റാർ ഓൾ റൗണ്ടർ മിച്ചൽ മാർഷിന്റെയും വെസ്റ്റ് ഇൻഡീസ് വെടിക്കെട്ട് ബാറ്റർ നിക്കോളാസ് പൂരന്റെ തകർപ്പൻ ബാറ്റിംഗ് പ്രകടനങ്ങളുടെ കരുത്തിലാണ് ലഖ്നൗ മികച്ച ടോട്ടൽ പടുത്തുയർത്തിയത്. 

30 പന്തിൽ നിന്നും 75 റൺസാണ് താരം അടിച്ചെടുത്തത്. ആറ് ഫോറുകളും ഏഴ് കൂറ്റൻ സിക്സുകളും അടങ്ങുന്നതായിരുന്നു പൂരന്റെ വെടിക്കെട്ട്‌ ഇന്നിങ്‌സ്. മത്സരത്തിൽ നേടിയ ഈ ഏഴ് സിക്സറുകളോടെ ടി-20യിൽ 600 സിക്സുകൾ പൂർത്തിയാക്കാനും വിൻഡീസ് താരത്തിന് സാധിച്ചു. വെസ്റ്റ് ഇൻഡീസ് താരങ്ങളായ ക്രിസ് ഗെയ്ൽ(1036), കീറോൺ പൊള്ളാർഡ്(908), ആന്ദ്രേ റസൽ(733) എന്നിവരാണ് പൂരന്റെ മുന്നിലുള്ളത്. 

മത്സരത്തിൽ മിച്ചൽ മാർഷ് 36 പന്തിൽ 72 റൺസും നേടി മികച്ച പ്രകടനം നടത്തി. ആറ് ഫോറുകളും സിക്സുകളും അടങ്ങുന്നതായിരുന്നു താരത്തിന്റെ ഇന്നിങ്സ്. ഡേവിഡ് മില്ലർ 19 പന്തിൽ പുറത്താവാതെ 27 റൺസും നേടി. 

ഡൽഹിയുടെ ബൗളിങ്ങിൽ മിച്ചൽ സ്റ്റാർക്ക് മൂന്ന് വിക്കറ്റുകൾ നേടി തിളങ്ങി. കുൽദീപ് യാദവ് രണ്ടു വിക്കറ്റും മുകേഷ് കുമാർ, വിപ്രജ് നിഗം എന്നിവർ ഓരോ വിക്കറ്റും നേടി.

ഡൽഹി ക്യാപിറ്റൽസ് പ്ലെയിങ് ഇലവൻ

ഫാഫ് ഡു പ്ലെസിസ്, ജെയ്ക്ക് ഫ്രേസർ മക്ഗുർക്ക്, അഭിഷേക് പോറൽ (വിക്കറ്റ് കീപ്പർ), സമീർ റിസ്വി, അക്സർ പട്ടേൽ (ക്യാപ്റ്റൻ), ട്രിസ്റ്റൻ സ്റ്റബ്സ്, വിപ്രജ് നിഗം, മിച്ചൽ സ്റ്റാർക്ക്, കുൽദീപ് യാദവ്, മോഹിത് ശർമ്മ, മുകേഷ് കുമാർ.

ലഖ്‌നൗ സൂപ്പർ ജയന്റ്‌സ് പ്ലെയിങ് ഇലവൻ

ഏയ്ഡൻ മർക്രം, മിച്ചൽ മാർഷ്, ഋഷഭ് പന്ത് (ക്യാപ്റ്റൻ/വൈസ് ക്യാപ്റ്റൻ), നിക്കോളാസ് പൂരൻ, ആയുഷ് ബഡോണി, ഡേവിഡ് മില്ലർ, ഷഹബാസ് അഹമ്മദ്, ദിഗ്വേഷ് സിംഗ് റാത്തി, ഷാർദുൽ താക്കൂർ, രവി ബിഷ്‌ണോയ്, പ്രിൻസ് യാദവ്.

Nicholas Pooran create a historical record in t20 cricket for the great performance delhi capitals in ipl 2025