പുതുപ്പാടി: പുതുപ്പാടിയിൽ വീണ്ടും ലഹരി അക്രമം. മദ്യ ലഹരിയിൽ ഈങ്ങാപ്പുഴ കക്കാട് അങ്ങാടിയിലെ ചായക്കടയിലെത്തിയ യുവാവ് ചായ ആവശ്യപ്പെടുകയായിരുന്നു. അതേസമയം, ചായ ഇല്ല എന്ന് പറഞ്ഞതിനെ തുടർന്ന് കടയുടമ പുന്നത്താനത്ത് ഡെൻസനെ ആക്രമിക്കുകയും ചെയ്യുകയായിരുന്നു. 

ആക്രമണം നടത്തിയ പ്രതി കക്കാട് ചുണ്ടൻകുഴി ഫൈസലിനെ പൊലിസ് കസ്റ്റഡിയിൽ എടുത്തു. ആക്രമണത്തിൽ പരുക്കേറ്റ ഡെൻസൻ താമരശേരി താലൂക്കാശുപത്രിയിൽ ചികിത്സ തേടി. 

അതേസമയം, ലഹരിയുമായി ബന്ധപ്പെട്ട അക്രമങ്ങൾ വർദ്ധിച്ചുവരുകയാണ്. നേരത്തെ താമരശ്ശേരി അടിവാരം സ്വദേശി സുബൈദയെ മകൻ ആഷിഖ്  വെട്ടി കൊലപ്പെടുത്തിയിരുന്നു. പണം ചോദിച്ചപ്പോൾ ഉമ്മ നൽകിയില്ല എന്നതാണ് സംഘർഷത്തിന് കാരണമെന്നു പൊലിസ് പറയുന്നു. "തനിക്ക് ജന്മം നൽകിയതിനുള്ള ശിക്ഷ" എന്നാണ് ആഷിഖ് കൊലപാതകത്തിനുള്ള കാരണമായി നാട്ടുകാരോട് പറഞ്ഞത്. ആഷിഖിന്റെ പിതാവ് അവന് ഒന്നര വയസുള്ളപ്പോൾ വിവാഹബന്ധം വേർപെടുത്തി. അതിനുശേഷം കൂലിപ്പണിക്ക് പോയാണ് സുബൈദ മകനെ വളർത്തിയത്. എന്നാൽ ബ്രെയിൻ ട്യൂമർ ബാധിച്ചതിനെ തുടർന്ന് അടിവാരത്തെ സ്വന്തം വീട്ടിൽ നിന്നും ഇവർ സഹോദരിയുടെ വീട്ടിലേക്ക് താമസം മാറിയിരുന്നു. അവിടെയും ആഷിഖ് പ്രശ്നങ്ങൾ സൃഷ്ടിച്ചിരുന്നു. അതോടെ പുതുപ്പാടിയിൽ താമസിക്കുന്ന സഹോദരിക്ക് അടുത്തേക്ക് മാറി. മകനോട് ഒപ്പം താമസിക്കാനുള്ള ആഗ്രഹമാണ് വിനയായതെന്ന് അയൽവാസികൾ പറയുന്നത്.

അതേസമയം, കുടുംബ വഴക്കിനെ തുടർന്നായിരുന്നു താമരശ്ശേരി ഈങ്ങാപ്പുഴ കക്കാട് സ്വദേശി യാസിർ തന്റെ ഭാര്യ ഷിബിലയെ വെട്ടിക്കൊലപ്പെടുത്തിയത്. മയക്കുമരുന്ന് ലഹരിയിലായിരുന്നു പ്രതി ആക്രമണം നടത്തിയത്. ആക്രമണത്തിൽ ഷിബിലയുടെ മാതാപിതാക്കളായ അബ്ദുറഹ്മാനും ഹസീനയും ഗുരുതരമായി പരുക്കേറ്റിരുന്നു. 

In a shocking incident, a tea shop owner in Puthuppady was assaulted by a drug addict after he refused to serve him tea. The accused has been taken into custody by the police.