ദോഹ: 2025 വര്‍ഷത്തില്‍ 24.6 ദശലക്ഷം റിയാലിന്റെ സാമൂഹിക സേവന സഹായ പദ്ധതികള്‍ പ്രഖ്യാപിച്ച് ഖത്തര്‍ റെഡ് ക്രസന്റ് സൊസൈറ്റി (QRCS). വിവിധ രാജ്യങ്ങളിലായാണ് വ്യത്യസ്ത മേഖലയില്‍ 24.6 ദശലക്ഷം റിയാലിന്റെ സാമൂഹ്യ സേവന പദ്ധതികള്‍ നടപ്പാക്കുക. ഗസ്സ, സിറിയ, യമന്‍, നൈജീരിയ, സൊമാലിയ, സുദാന്‍, ലബനാന്‍, മൗറിറ്റാനിയ എന്നിവിടങ്ങളിലെ ആളുകള്‍ക്ക് പ്രയോജനപെടുത്തുന്ന വിധത്തില്‍ 13 ദശലക്ഷം റിയാലിലധികം ചെലവില്‍ 10 സുരക്ഷിത ജല, ശുചിത്വ പദ്ധതികള്‍ നടപ്പിലാക്കുമെന്ന് ഖത്തര്‍ റെഡ് ക്രസന്റ് പ്രസ്താവനയില്‍ പറഞ്ഞു.

കൂടാതെ, സിറിയ, യമന്‍, നൈജീരിയ, അഫ്ഗാനിസ്ഥാന്‍, സൊമാലിയ, ലെബനന്‍, ജോര്‍ദാന്‍ എന്നിവിടങ്ങളിലെ 45,100 ഗുണഭോക്താക്കള്‍ക്ക് സേവനം നല്‍കുന്നതിനായി 11.6 ദശലക്ഷം റിയാലിന്റെ 11 മള്‍ട്ടിസെക്ടര്‍ പദ്ധതികള്‍ ഇപ്പോള്‍ നിര്‍മ്മാണത്തിലാണ്. 
ദരിദ്ര കുടുംബങ്ങള്‍ക്കുള്ള വസ്ത്രങ്ങള്‍, അനാഥര്‍ക്കുള്ള പിന്തുണ, പ്രായമായവര്‍ക്കുള്ള ഭക്ഷണവും പരിചരണവും, ദരിദ്ര വിദ്യാര്‍ത്ഥികള്‍ക്ക് സ്‌കൂള്‍ ബാഗുകളും സ്റ്റേഷനറികളും നല്‍കല്‍ എന്നിവയാണ് ഈ പദ്ധതികളില്‍ ഉള്‍പ്പെടുന്നത്.

Stay updated with the latest news! Join our WhatsApp group:

2024ല്‍, 5,62,854 പേര്‍ക്ക് സേവനം നല്‍കുന്നതിനായി 1,21,48221 റിയാല്‍ ചിലവില്‍ നിരവധി സുരക്ഷിത ജല, ശുചിത്വ പദ്ധതികള്‍ ഝഞഇട നടപ്പിലാക്കിയിട്ടുണ്ട്. 

ഇരുപത്തി അഞ്ചു ലക്ഷത്തോളം ആളുകള്‍ക്ക് വേണ്ടി 30,987,435 റിയാല്‍ ചിലവഴിച്ചു മറ്റു പദ്ധതികളും ഖത്തര്‍ റെഡ് ക്രെസെന്റ് സൊസൈറ്റി 2024 ല്‍ നടപ്പാക്കിയിട്ടുണ്ട്.

Qatar Red Crescent announces social assistance projects worth 24.6 million riyals