റിയാദ് - ചെറിയ പെരുന്നാളിനോടനുബന്ധിച്ച് ജിദ്ദ ട്രാൻസ്‌പോർട്ട് കമ്പനി സീ ടാക്സി നിരക്കുകളിൽ പ്രത്യേക ഇളവ് പ്രഖ്യാപിച്ചു. ഇതിന്റെ ഭാ​ഗമായി സീ ടാക്സി നിരക്ക് 25 റിയാലായി കുറച്ചു.

മാർച്ച് 23 മുതൽ ഏപ്രിൽ 3 വരെ ജിദ്ദ യാച്ച് ക്ലബ്ബിനെയും ജിദ്ദ ജില്ലയെയും ബന്ധിപ്പിക്കുന്ന സീ ടാക്സി റൂട്ടിൽ ഈ ഇളവ് ലഭിക്കും. നേരത്തെ, റമദാനിൽ 25 റിയാലിനും 50 റിയാലിനും ഇടയിലായിരുന്നു ടിക്കറ്റ് നിരക്ക്. അതേസമയം, 10 വയസിൽ താഴെയുള്ള കുട്ടികൾക്ക് സൗജന്യമായി യാത്ര ചെയ്യാം.

യാച്ച് ക്ലബ്, ഹിസ്റ്റോറിക് ഡിസ്ട്രിക്റ്റ്, ഷാം ഒബുർ തുടങ്ങിയ സ്ഥലങ്ങളെ ബന്ധിപ്പിച്ചുകൊണ്ട് മാർച്ച് 6 നാണ് ജിദ്ദ സീ ടാക്സി സർവിസ് പരീക്ഷണാടിസ്ഥാനത്തിൽ പ്രവർത്തനമാരംഭിച്ചത്. അതേസമയം, നിലവിൽ ഇത് യാച്ച് ക്ലബ്ബിനും ഹിസ്റ്റോറിക് ഡിസ്ട്രിക്റ്റിനും ഇടയിലാണ് പ്രവർത്തിക്കുന്നത്. നഗരത്തിലെ ഗതാഗത സൗകര്യങ്ങൾ മെച്ചപ്പെടുത്തുന്നതിനും, സമുദ്ര ​ഗതാ​ഗതവും, ടൂറിസവും പ്രോത്സാഹിപ്പിക്കുന്നതിനുമുള്ള വിശാലമായ ഒരു സംരംഭത്തിന്റെ ഭാഗമാണ് ഈ പദ്ധതി.

പ്രതിദിനം 29,000 യാത്രക്കാരെ ഉൾക്കൊള്ളുന്ന 20 ആധുനിക സീ ടാക്സി സ്റ്റേഷനുകൾ വികസിപ്പിക്കാനുള്ള പദ്ധതി ജിദ്ദ മേയർ സാലിഹ് അൽ-തുർക്കി നേരത്തെ പ്രഖ്യാപിച്ചിരുന്നു. ഒബ്ഹർ വാട്ടർ ഫ്രണ്ടും ജിദ്ദയുടെ മധ്യ, വടക്കൻ ജില്ലകളും തമ്മിലുള്ള ബന്ധം മെച്ചപ്പെടുത്താനും, റോഡ് ​ഗതാ​ഗതം സു​ഗമമാക്കാനുമാണ് ഇതിലൂടെ പദ്ധതിയിടുന്നത്. 

Jeddah Transport Company has announced special discounts on Sea Taxi fares in celebration of Eid Al-Fitr. As part of the offer, fares have been reduced by 25 SAR. The discount will be available from March 23 to April 3 on the route connecting Jeddah Yacht Club and Jeddah Governorate. Previously, ticket prices during Ramadan ranged between 25-50 SAR.