കെയ്‌റോ: ഈജിപ്തിലെ ചെങ്കടൽ തീരദേശ നഗരമായ ഹുർഗദയിൽ ഒരു ടൂറിസ്റ്റ് മുങ്ങിക്കപ്പലിന് അപകടം സംഭവിച്ച് ആറ് വിദേശ വിനോദസഞ്ചാരികൾക്ക് ദാരുണാന്ത്യം. അപകടത്തിൽ 19 പേർക്ക് പരിക്കേറ്റതായും, പരിക്കേറ്റവരെ സമീപത്തെ ആശുപത്രികളിലേക്ക് മാറ്റിയതായും സർക്കാർ ഉടമസ്ഥതയിലുള്ള അഖ്ബർ അൽ-യൂം പത്രം റിപ്പോർട്ട് ചെയ്യുന്നു.

അപകടത്തെ കുറിച്ചുള്ള കൃത്യമായ  കാരണത്തെക്കുറിച്ചുള്ള റിപ്പോർട്ട് ലഭിച്ചിട്ടില്ല. ഇത് സംബന്ധിച്ച് അന്വേഷണം പുരോഗമിക്കുകയാണ്. ഈജിപ്ത് തലസ്ഥാനമായ കെയ്‌റോയിൽ നിന്ന് 460 കിലോമീറ്റർ (285 മൈൽ) അകലെയാണ് ഹുർഗദ. വിനോദസഞ്ചാരികളുടെ പ്രിയപ്പെട്ട ഡെസ്റ്റിനേഷനായി പേരുകേട്ട ഈ പ്രദേശം, ചെങ്കടലിന്റെ മനോഹരമായ പവിഴപ്പുറ്റുകളും ദ്വീപുകളും കൊണ്ട് പ്രശസ്തമാണ്.

സ്നോർക്കലിംഗിനും ഡൈവിംഗിനുമൊക്കെ നിരവധിയാളുകൾ എത്തുന്ന ഈ പ്രദേശം, ഈജിപ്തിന്റെ മൊത്തം ജിഡിപിയിലെ 10 ശതമാനത്തിലധികം സംഭാവന ചെയ്യുന്ന ടൂറിസം വ്യവസായത്തിന്റെ പ്രധാന കേന്ദ്രങ്ങളിലൊന്നാണ്. ഏകദേശം രണ്ട് ദശലക്ഷം ആളുകൾ ഇവിടെ തൊഴിൽ ചെയ്യുന്നുവെന്ന് കണക്കുകൾ ചൂണ്ടിക്കാണിക്കുന്നു.

 A tourist boat accident off the coast of Hurghada, Egypt, claimed six lives and left 19 injured. The victims were transported to nearby hospitals. The cause of the accident is under investigation. Hurghada, known for its coral reefs and diving spots, is a key tourism hub contributing over 10% to Egypt’s GDP.