തിരൂരങ്ങാടി: പഠനപ്രവര്‍ത്തനങ്ങളില്‍ മുന്നേറാന്‍ കുട്ടികള്‍ക്ക് സ്‌നേഹക്കൂടൊരുക്കി തിരൂരങ്ങാടി ഒ.യു.പി സ്‌കൂള്‍. ഒരുവര്‍ഷം നീണ്ടുനില്‍ക്കുന്ന വിദ്യാര്‍ഥി ശാക്തീകരണ പരിപാടിയുടെ ആദ്യഘട്ടമായി രക്ഷിതാക്കളുടെ സംഗമവും 'ഒരുക്കം' പ്രവര്‍ത്തന പുസ്തകവും ഒരുക്കി.
ചുള്ളിപ്പാറ, പാലത്തിങ്ങല്‍, ചെറുമുക്ക്, താഴെചിന, ഭാഗങ്ങളില്‍ രക്ഷിതാക്കളെ ഒരുമിച്ചുകൂട്ടി അയല്‍ സംഗമങ്ങള്‍ നടത്തി. നഗരസഭാധ്യക്ഷ കെ.ടി റഹീദ ഉദ്ഘാടനം ചെയ്തു. പ്രധാനാധ്യാപകന്‍ പി. അഷ്‌റഫ് അധ്യക്ഷനായി.
പി.ടി.എ പ്രസിഡന്റ് പി.ഒ ഫാറൂഖ്, കൗണ്‍സിലര്‍മാരായ നൗഫല്‍ തടത്തില്‍, കെ.എം നുസൈബ, മാനറിക്കല്‍ അഷ്‌റഫ്, കെ.ടി അയൂബ്, റസാഖ് മാസ്റ്റര്‍, മുസ്തഫ ചെറുമുക്ക് സംസാരിച്ചു.