കെയ്‌റോ: ഏപ്രിൽ 22 മുതൽ കുവൈത്തിൽ പുതിയ ഗതാഗത നിയമം പ്രാബല്യത്തിൽ വരും. കനത്ത പിഴയും നിയമലംഘകരെ കസ്റ്റഡിയിലെടുക്കുന്നതും ഉൾപ്പെടെയുള്ള കർശനമായ ശിക്ഷാനടപടികളാണ് പുതിയ നിയമത്തിലുള്ളത്. അതേസമയം, ചില പ്രത്യേക കേസുകളിൽ നിയമലംഘകരെ അറസ്റ്റ് ചെയ്യാൻ ട്രാഫിക് പൊലിസിന് അധികാരം നൽകിയിട്ടുണ്ട്.  

മദ്യപിച്ചോ മയക്കുമരുന്ന് ഉപയോഗിച്ചോ വാഹനമോടിക്കൽ, പരുക്കിനോ മരണത്തിനോ കാരണമാവുന്ന അപകടം, പെർമിറ്റില്ലാതെ റോഡുകളിൽ കാർ റേസിൽ ഏർപ്പെടുക, അപകടസ്ഥലത്ത് നിന്ന് മുങ്ങുക, പൊലിസ് നിർത്താൻ ആവശ്യപ്പെട്ടിട്ടും വാഹനം നിർത്താതിരിക്കുക തുടങ്ങിയ സാഹചര്യങ്ങളിൽ ട്രാഫിക് പൊലിസിന് അറസ്റ്റ് ചെയ്യാവുന്നതാണ്. 

4.9 ദശലക്ഷം ജനങ്ങളുള്ള കുവൈത്തിൽ പ്രതിദിനം 200 മുതൽ 300 വരെ വാഹനാപകടങ്ങൾ സംഭവിക്കുന്നുണ്ട്, ഇതിൽ 30 പേർക്ക് വരെ പരുക്കേൽക്കുന്നു. അതേസമയം, 90% അപകടങ്ങളും സംഭവിക്കുന്നത് വാഹനമോടിക്കുമ്പോഴുള്ള അശ്രദ്ധ മൂലമാണ്. വാഹനമോടിക്കുമ്പോൾ മൊബൈൽ ഫോൺ ഉപയോഗിക്കുന്നതിനുള്ള പിഴ 5 ദിനാറിൽ നിന്ന് 75 ദിനാറായി വർധിപ്പിച്ചു, അതേസമയം സീറ്റ് ബെൽറ്റ് ധരിക്കാത്തതിനുള്ള പിഴ മൂന്നിരട്ടിയായി വർധിപ്പിച്ച് 30 ദിനാറാക്കി. ചുവപ്പ് സിഗ്നൽ മറികടക്കുന്നത് മൂന്ന് വർഷം വരെ തടവും 1,000 ദിനാർ പിഴയും ലഭിക്കാവുന്ന കുറ്റമാണ്.

Kuwait is enforcing stricter traffic regulations starting April 22, introducing heavy fines, custody for violators, and enhanced police powers, including arrests in certain cases. Stay informed about the new rules to avoid penalties.