പാലക്കാട്: ഒഡീഷ സ്വദേശികളായ ദമ്പതികളുടെ ഒരു വയസ്സുകാരിയായ മകളെ ട്രെയിനിൽ നിന്ന് തട്ടിക്കൊണ്ടുപോയ സംഭവത്തിൽ ഒരാൾ പിടിയിൽ. ഇന്നലെ പാലക്കാട് റെയിൽവേ സ്റ്റേഷനിലായിരുന്നു സംഭഴം. ദിണ്ടിഗൽ സ്വദേശിയായ വെട്രിവേൽ എന്നയാളാണ് പിടിയിലായത്.

കഴിഞ്ഞ ദിവസം രാത്രി 12.30 ന് ഒഡീഷയിൽ നിന്ന് ആലുവയിലേക്ക് പോയിരുന്ന ടാറ്റാ നഗർ എക്സ്പ്രസ് ട്രെയിനിലാണ് സംഭവം നടന്നത്. തൃശൂരിൽ കുഞ്ഞിനെ കാണാതായത് മാതാപിതാക്കൾക്ക് മനസ്സിലായത്. ഉടൻ തന്നെ കുട്ടിയുടെ ഫോട്ടോ സഹിതം റെയിൽവേ പൊലിസിനെ വിവരമറിയിക്കുകയായിരുന്നു.

തുടർന്ന്, പാലക്കാട് റെയിൽവേ സ്റ്റേഷനിൽ നടന്ന പരിശോധനയിൽ സംശയാസ്പദമായ സാഹചര്യത്തിൽ കുട്ടിയുമായി ഒരാളെ നാട്ടുകാർ കണ്ടെത്തി. കുട്ടി നിർത്താതെ കരഞ്ഞപ്പോൾ ഓട്ടോറിക്ഷ തൊഴിലാളികൾ പ്രതിയെ തടഞ്ഞ് ചോദ്യം ചെയ്യുകയായിരുന്നു. ഇതിനിടയിൽ കുട്ടിയെ ഉപേക്ഷിച്ച് രക്ഷപ്പെടാൻ ശ്രമിച്ച പ്രതിയെ നാട്ടുകാർ പിടികൂടി പൊലീസിന് കൈമാറി.

ചോദ്യം ചെയ്യലിനിടെ വെട്രിവേൽ ട്രെയിനിൽ നിന്ന് കുട്ടിയെ തട്ടിയെടുത്തതായി സമ്മതിച്ചു. ദമ്പതികൾ സഞ്ചരിച്ച ട്രെയിനിൽ വെട്രിവേലും യാത്ര ചെയ്തിരുന്നുവെന്നും, ഉറങ്ങിക്കിടന്ന കുട്ടിയെ മാതാപിതാക്കളുടെ ശ്രദ്ധ തെറ്റിയപ്പോൾ കൈവശപ്പെടുത്തി പാലക്കാട് സ്റ്റേഷനിൽ ഇറങ്ങുകയായിരുന്നുവെന്നും പൊലിസ് വ്യക്തമാക്കി. 

A man from Dindigul, identified as Vetrivel, has been arrested for allegedly abducting a one-year-old girl from a train at Palakkad Railway Station. The incident occurred yesterday, targeting a couple from Odisha traveling with their infant daughter. Authorities acted swiftly after the parents reported the child missing, leading to the suspect's capture.