ഫ്ലോറിഡ: യുഎസ് പൗരന്മാരെപ്പോലും നാടുകടത്തുന്നതിനെക്കുറിച്ച് ചിന്തിക്കുകയാണ് അമേരിക്കൻ പ്രസിഡന്റ് ഡൊണാൾഡ് ട്രംപ്. കുറ്റകൃത്യങ്ങളിൽ ഏർപ്പെടുന്ന ചില പൗരന്മാരെ രാജ്യത്ത് നിന്ന് പുറത്താക്കണമെന്ന് അദ്ദേഹം ആവശ്യപ്പെട്ടു. ഫ്ലോറിഡയിലെ ഒരു കുടിയേറ്റ തടങ്കൽ കേന്ദ്രം സന്ദർശിക്കവെ മാധ്യമപ്രവർത്തകരോട് സംസാരിക്കുകയായിരുന്നു ട്രംപ്. "ബേസ്ബോൾ ബാറ്റ് കൊണ്ട് ആളുകളെ അടിക്കുകയോ കത്തികൊണ്ട് കൊലപ്പെടുത്തുകയോ ചെയ്യുന്നവരെ, അവർ പൗരന്മാരാണെങ്കിൽ പോലും, നാടുകടത്തണം. ഇത് ഞങ്ങളുടെ ഭരണകൂടത്തിന്റെ അടുത്ത ജോലിയാണ്," ഇത്തരക്കാരെ രാജ്യത്ത് നിന്നും പുറത്താക്കുകയെന്നത്, അദ്ദേഹം പറഞ്ഞു.

അവർ നമ്മുടെ രാജ്യത്ത് പുതിയവരല്ല, പലരും ഇവിടെ ജനിച്ചു വളർന്നവരാണ്. എന്നിട്ടും അവരെ പുറത്താക്കണമെന്നാണ് ഞാൻ കരുതുന്നത്," ട്രംപ് പറഞ്ഞു. ന്യൂയോർക്ക് നഗരത്തിലെ സമീപകാല സംഭവങ്ങളെക്കുറിച്ചും അദ്ദേഹം പരാമർശിച്ചു. "ന്യൂയോർക്കിൽ ഗുരുതരമായ ചില കുറ്റകൃത്യങ്ങൾ നടന്നിട്ടുണ്ട്. അവയെ അപകടങ്ങളായി കാണാൻ കഴിയില്ല," അദ്ദേഹം വ്യക്തമാക്കി.

ALSO READ: ഇന്ത്യ-യുഎസ് വ്യാപാര കരാർ: അന്തിമ തീരുമാനം ജൂലൈ 9ന് മുമ്പ് പ്രതീക്ഷിക്കാം; ഡൊണാൾഡ് ട്രംപ്

കഴിഞ്ഞ മാസം യുഎസ് നീതിന്യായ വകുപ്പ് പുറത്തിറക്കിയ മെമ്മോയിൽ, കുറ്റകൃത്യങ്ങൾ, ചാരവൃത്തി, അല്ലെങ്കിൽ തെറ്റായ വിവരങ്ങൾ നൽകി വസ്തുതകൾ മറച്ചുവെക്കുന്നവരുടെ പൗരത്വം റദ്ദാക്കുമെന്ന് വ്യക്തമാക്കിയിരുന്നു. "യുദ്ധക്കുറ്റങ്ങൾ, നിയമവിരുദ്ധ കൊലപാതകങ്ങൾ, മനുഷ്യാവകാശ ലംഘനങ്ങൾ, ഗുണ്ടാസംഘാംഗങ്ങൾ, അല്ലെങ്കിൽ തീവ്രവാദ കുറ്റങ്ങൾക്ക് ശിക്ഷിക്കപ്പെട്ടവർ എന്നിവരുടെ പൗരത്വം റദ്ദാക്കും. ഇത്തരക്കാർക്ക് യുഎസ് പാസ്‌പോർട്ടിൽ അന്താരാഷ്ട്ര യാത്രയോ മടങ്ങിവരവോ അനുവദിക്കില്ല," മെമ്മോയിൽ പറയുന്നു. ആക്സിയോസിന്റെ റിപ്പോർട്ട് പ്രകാരം, 1990 മുതൽ 2017 വരെ ഏകദേശം 305 പേരുടെ പൗരത്വം റദ്ദാക്കപ്പെട്ടു. ട്രംപ് ഭരണകൂടത്തിന്റെ ഈ നീക്കം നടപ്പിലായാൽ 25 ദശലക്ഷം യുഎസ് പൗരന്മാരെ ബാധിച്ചേക്കാമെന്ന് റിപ്പോർട്ട് ചൂണ്ടിക്കാട്ടുന്നു.

President Donald Trump has sparked controversy by proposing the deportation of certain U.S. citizens involved in serious crimes, calling it his administration’s “next job.” During a visit to an immigration detention center in Florida, he targeted individuals born in the U.S. who commit acts like assault with baseball bats or murder, stating they should be expelled despite their citizenship.