കുവൈത്ത് സിറ്റി: കുവൈത്തില്‍ ആത്മഹത്യ ചെയ്യാന്‍ ശ്രമിച്ച വിദേശികളെ അധികൃതര്‍ നാടുകടത്തിയ വാര്‍ത്ത പുറത്തു വന്നതിനു പിന്നാലെ രണ്ട് വ്യത്യസ്ത ആത്മഹത്യാ ശ്രമങ്ങളില്‍ രണ്ട് പ്രവാസികള്‍ മരിച്ചതായി മാധ്യമ റിപ്പോര്‍ട്ടുകള്‍. ആദ്യ സംഭവത്തില്‍ കുവൈത്തിന്റെ തെക്കന്‍ ഭാഗത്തുള്ള ഒരു കെട്ടിടത്തിലെ മുറിയില്‍ തൂങ്ങിമരിച്ച നിലയില്‍ ഒരു ഏഷ്യന്‍ പ്രവാസിയുടെ മൃതദേഹം കണ്ടെത്തിയതായി അല്‍ അന്‍ബ പത്രം റിപ്പോര്‍ട്ട് ചെയ്തു.

തന്റെ സുഹൃത്ത് ഒരു മുറിക്കുള്ളില്‍ കയറില്‍ തൂങ്ങിക്കിടക്കുന്നത് കണ്ടതായി കൂടെ താമസിക്കുന്ന പ്രവാസി പറഞ്ഞതായി പത്രം റിപ്പോര്‍ട്ടു ചെയ്തു. റിപ്പോര്‍ട്ടുകള്‍ പ്രകാരം ഉടന്‍ സ്ഥലത്തെത്തിയ ഡോക്ടര്‍മാരുടെ പരിശോധനയില്‍ 40കാരനായ പ്രവാസിയെ മരിച്ചതായി കണ്ടെത്തുകയായിരുന്നു.

രണ്ടാമത്തെ കേസില്‍, കുവൈത്ത് സിറ്റിയുടെ തെക്ക് ഭാഗത്തുള്ള ഫര്‍വാനിയ ഗവര്‍ണറേറ്റിലെ ഒരു കെട്ടിടത്തിനുള്ളില്‍ ഒരു അറബ് പ്രവാസി കയറില്‍ തൂങ്ങിമരിച്ചതായി അല്‍ അന്‍ബ പത്രം റിപ്പോര്‍ട്ട് ചെയ്തു. അദ്ദേഹത്തിന്റെ മൃതദേഹം പോസ്റ്റ്മോര്‍ട്ടത്തിനായി ഫോറന്‍സിക് മെഡിസിന്‍ വിഭാഗത്തിലേക്ക് മാറ്റി. രണ്ട് കേസുകളിലും ആത്മഹത്യ ചെയ്യാനുള്ള കാരണങ്ങള്‍ ഇതുവരെ വ്യക്തമായിട്ടില്ല.

കുവൈത്തിലെ പ്രശസ്തമായ ഒരു പാലത്തില്‍ നിന്ന് ആത്മഹത്യ ചെയ്യാന്‍ ശ്രമിച്ച ഇന്ത്യക്കാരനെ നാടുകടത്താന്‍ കുവൈത്ത് അധികൃതര്‍ ഉത്തരവിട്ടതിന് പിന്നാലെയാണ് മരണങ്ങള്‍ റിപ്പോര്‍ട്ട് ചെയ്യപ്പെട്ടത്.

ജാബര്‍ പാലത്തില്‍ നിന്ന് ചാടി ആത്മഹത്യയ്ക്ക് ശ്രമിച്ചതിനെ തുടര്‍ന്ന് കുവൈത്ത് ആഭ്യന്തര മന്ത്രാലയത്തിലെ അധികൃതര്‍ പ്രവാസിയെ നാടുകടത്താനും ജീവിതകാലം മുഴുവന്‍ രാജ്യത്തേക്ക് പ്രവേശിക്കുന്നതിന് ആജീവനാന്ത വിലക്കും ഏര്‍പ്പെടുത്താന്‍ തീരുമാനിച്ചതായി അല്‍ റായ് പത്രം റിപ്പോര്‍ട്ട് ചെയ്തിരുന്നു. മറ്റു വഴികളില്ലാത്തതിനാലാണ് താന്‍ ആത്മഹത്യക്ക് ശ്രമിച്ചതെന്ന് ഇയാള്‍ പിന്നീട് വെളിപ്പെടുത്തിയിരുന്നു.

Kuwaiti rulers have taken a firm stance, declaring that suicide will not be tolerated in the country. However, two tragic incidents have recently occurred, raising concerns over mental health awareness and support for vulnerable individuals, including expatriates and locals.