അബൂദബി: അടിയന്തര വാഹനങ്ങൾക്ക് വഴി നൽകേണ്ടതിന്റെ പ്രാധാന്യത്തെക്കുറിച്ച് ഡ്രൈവർമാരെ ഓർമ്മിപ്പിച്ച് യുഎഇ ആഭ്യന്തര മന്ത്രാലയം.  കണക്കുകൾ പ്രകാരം 2024ൽ ആംബുലൻസുകൾ, പൊലിസ് പട്രോളിംഗ്, മറ്റ് അടിയന്തര പ്രതികരണക്കാർ എന്നിവർക്ക് വഴി നൽകാത്തതിന്റെ പേരിൽ 325 ഡ്രൈവർമാർക്ക് പിഴ ചുമത്തിയിട്ടുണ്ട്.

"സൈറണിന്റെ ശബ്ദമോ ഫ്ലാഷിംഗ് ലൈറ്റുകളോ കണ്ടാൽ, അത് ഒരു മുന്നറിയിപ്പ് മാത്രമല്ല. അടിയന്തര വാഹനങ്ങൾക്ക് വഴി നൽകുക എന്നത് ഒരു നിയമപരമായ ആവശ്യകത മാത്രമല്ല, റോഡ് സുരക്ഷയുടെയും, ഏറ്റവും പ്രധാനമായി ജീവൻ രക്ഷയുടെയും ഒരു കാര്യമാണ്."

അടിയന്തര സാഹചര്യങ്ങളിൽ സഹായം എത്തിക്കാൻ തടസ്സമില്ലാത്ത റോഡുകളെയാണ് ആശ്രയിക്കുന്നതെന്ന് മന്ത്രാലയം വ്യക്തമാക്കി. ഇത്തരം സാഹചര്യങ്ങളിൽ കാലതാമസം നേരിടുന്നത് ഗുരുതരമായ പ്രത്യാഘാതങ്ങൾ ഉണ്ടാക്കുകയും ജീവൻ അപകടത്തിലാക്കുകയും ചെയ്യും.

അടിയന്തര വാഹനങ്ങൾക്ക് വഴിമാറിക്കൊടുക്കാത്ത ഡ്രൈവർമാർക്ക് 3,000 ദിർഹം പിഴ, 30 ദിവസത്തെ വാഹന കണ്ടുകെട്ടൽ, ആറ് ട്രാഫിക് പോയിന്റുകൾ എന്നിങ്ങനെയുള്ള ഗുരുതരമായ പിഴകൾ നേരിടേണ്ടിവരും. 

വിവിധ എമിറേറ്റുകളിലായി 325 നിയമലംഘനങ്ങൾ നടന്നിട്ടുണ്ട്. ഏറ്റവും കൂടുതൽ ലംഘനങ്ങൾ രേഖപ്പെടുത്തിയ എമിറേറ്റുകൾ  ഇവയാണ്. ദുബൈ: 160, അബൂദബി: 107, അജ്മാൻ: 31, ഷാർജ: 17, റാസൽഖൈമ: 5, ഉമ്മുൽ ഖുവൈൻ: 3, ഫുജൈറ: 2.

UAE authorities have issued a stern warning to motorists: failing to yield to emergency vehicles (ambulances, police cars, etc.) now carries heavy penalties - a AED 3,000 fine, 30-day vehicle impoundment, and 6 black points. The Ministry of Interior emphasizes that every second counts when lives are at stake. Remember: when you hear sirens or see flashing lights, immediately create a clear path. Safety starts with you!