ദുബായ്: മേഖലയിലെ ഏറ്റവും പ്രായം കൂടിയ എമിറാത്തി വ്യവസായിയും മുത്ത് വ്യാപാരിയുമായ ഹജ് ഹസൻ ഇബ്രാഹിം അൽ ഫർദാൻ അന്തരിച്ചു. 94 വയസ്സുണ്ട്. അൽ ഫർദാൻ ഗ്രൂപ്പിന്റെ ഓണററി ചെയർമാൻ ആയിരുന്നു. വിയോഗവാർത്ത അദ്ദേഹത്തിന്റെ ചെറുമകനും അൽ ഫർദാൻ എക്സ്ചേഞ്ച് എൽഎൽസിയുടെ സിഇഒയുമായ ഹസൻ ഫർദാൻ അൽ ഫർദാൻ ലിങ്ക്ഡ്ഇനിലൂടെ ആണ് അറിയിച്ചത്. 

എന്റെ പ്രിയപ്പെട്ട മുത്തച്ഛനും അൽ ഫർദാൻ ഗ്രൂപ്പിന്റെ ഓണററി ചെയർമാനുമായ ഹസൻ ഇബ്രാഹിം അൽ ഫർദാന്റെ വിയോഗത്തിൽ ഞാൻ പങ്കുചേരുന്നു. ഹസൻ ഫർദാൻ കുറിച്ചു. തനിക്ക് അദ്ദേഹം കേവലം ഒരു മുത്തച്ഛൻ മാത്രമായിരുന്നില്ല, മറിച്ച് തന്റെ വഴികാട്ടിയും കുടുംബത്തിന്റെ അടിത്തറയുമായിരുന്നു. യുഎഇയോടും അതിന്റെ നേതൃത്വത്തോടുമുള്ള മുത്തച്ഛന്റെ സ്നേഹം ആഴമുള്ളതായിരുന്നുവെന്നും ഹസൻ ഫർദാൻ പറഞ്ഞു. അൽ ഫർദാൻ എക്സ്ചേഞ്ച് എൽഎൽസിയുടെ സിഇഒ ആണ് ഹസൻ ഫർദാൻ.

ഗ്രൂപ്പിൻ്റെ സ്ഥാപകനോടുള്ള ആദരസൂചകമായി മൂന്ന് ദിവസത്തെ ദുഃഖാചരണം ആചരിക്കുമെന്ന് അൽ ഫർദാൻ ഗ്രൂപ് പ്രസ്താവനയിൽ അറിയിച്ചു.

Veteran Emirati business leader Haj Hasan Ibrahim Al Fardan passes away