തിരുവനന്തപുരം: ട്വന്റി 20 ലോകകപ്പിലെ മികച്ച താരവും മലയാളികളുടെ അഭിമാനവുമായ സഞ്ജു സാംസണിന് സംസ്ഥാന സര്‍ക്കാര്‍ തിരുവനന്തപുരത്ത് ഔദ്യോഗിക സ്വീകരണം നല്‍കുമെന്ന് മന്ത്രി വി ശിവന്‍കുട്ടി. സഞ്ജുവിന് അഭിനന്ദനവുമായി മുഖ്യമന്ത്രിയും മന്ത്രിമാരും നേരത്തെ രംഗത്തെത്തിയിരുന്നു.

ന്യൂസിലന്‍ഡിനെതിരെയുള്ള ആവേശകരമായ ഫൈനലില്‍ നേടിയ ഐതിഹാസിക വിജയം ഓരോ ഇന്ത്യക്കാരന്റെയും ഹൃദയമിടിപ്പിനോളം ആഴമുള്ളതാണെന്ന് മുഖ്യമന്ത്രി പറഞ്ഞു. ലോകകപ്പ് വിജയത്തില്‍ മലയാളി താരം സഞ്ജു സാംസണ്‍ കാഴ്ചവെച്ച ഗംഭീര പ്രകടനം ഓരോ മലയാളിയെയും സംബന്ധിച്ച് ആവേശകരണ്. ഫൈനലിലെ നിര്‍ണായക പ്രകടനത്തിലൂടെയും ടൂര്‍ണമെന്റിലുടനീളം പുലര്‍ത്തിയ സ്ഥിരതയാര്‍ന്ന ബാറ്റിങ്ങിലൂടെയും ടീമിന്റെ നട്ടെല്ലായി മാറാന്‍ സഞ്ജുവിന് സാധിച്ചു. പ്രതിഭയും കഠിനാധ്വാനവും ഒത്തുചേര്‍ന്നാല്‍ ഏത് വലിയ ലക്ഷ്യവും കീഴടക്കാമെന്ന് സഞ്ജു ലോകത്തിന് കാണിച്ചുതന്നു. ലോകചാമ്പ്യന്മാരായ ടീം ഇന്ത്യക്കും, വിജയത്തില്‍ നിര്‍ണായക പങ്കുവഹിച്ച സഞ്ജുവിനും ഹൃദയം നിറഞ്ഞ അഭിനന്ദനങ്ങള്‍ നേരുന്നെന്നും മുഖ്യമന്ത്രി ഫെയ്സ്ബുക്കില്‍ കുറിച്ചു.

ALSO READ: തകർന്നു പോയ സമയങ്ങളിൽ എന്നെ രക്ഷിച്ചത് അദ്ദേഹമാണ്: സഞ്ജു സാംസൺ

ടൂര്‍ണമെന്റില്‍ ഉടനീളം മിന്നും പ്രകടനം നടത്തിയ സഞ്ജു സാംസണ്‍ ആണ് ടൂര്‍ണമെന്റിലെ താരമായി തെരഞ്ഞെടുത്തത്. ഫൈനല്‍ മത്സരത്തില്‍ 89 റണ്‍സ് നേടിയാണ് സഞ്ജു ഇന്ത്യയുടെ ടോപ് സ്‌കോററായത്. അഞ്ചു ഫോറുകളും എട്ട് കൂറ്റന്‍ സിക്‌സുകളും അടങ്ങുന്നതാണ് സഞ്ജുവിന്റെ ഇന്നിംഗ്‌സ്.  ഈ ടൂര്‍ണമെന്റില്‍ 321 റണ്‍സാണ് സഞ്ജുവിന്റെ ബാറ്റില്‍ നിന്നും പിറന്നത്. വെസ്റ്റ് ഇന്‍ഡീസിനെതിരെ നേടിയ പുറത്താകാതെയുള്ള 97 റണ്‍സാണ് ടൂര്‍ണമെന്റിലെ സഞ്ജുവിന്റെ ഉയര്‍ന്ന സ്‌കോര്‍. സെമിയില്‍ ഇംഗ്ലണ്ടിനെതിരെ  42 പന്തില്‍ 89 റണ്‍സാണ് സഞ്ജു നേടിയത്. ഏഴ് സിക്‌സും എട്ട് ഫോറുകളും അടങ്ങുന്നതായിരുന്നു മലയാളി താരത്തിന്റെ പ്രകടനം.

Kerala General Education Minister V. Sivankutty announced that the Kerala government will organize an official reception in Thiruvananthapuram to honour Indian cricketer Sanju Samson. Describing Samson as the pride of Malayalis, the minister said the state wants to recognize his achievements and contribution to Indian cricket with a formal government reception.