മനാമ: 2026 ലെ പാര്‍ലമെന്റ്, മുനിസിപ്പല്‍ തെരഞ്ഞെടുപ്പുകള്‍ മുതല്‍ വോട്ടിങ് പ്രായം 20 ല്‍ നിന്ന് 18 ആയി കുറക്കുന്നതിനുള്ള നിര്‍ദേശം നിര്‍ത്തിവച്ചേക്കും. താല്‍ക്കാലികമായി നിര്‍ത്തിവെക്കാന്‍ ആണ് സാധ്യത. ഇതു സംബന്ധിച്ച് അഞ്ച് ശൂറ അംഗങ്ങള്‍ (MP) മുന്നോട്ടുവെച്ച സസ്‌പെന്‍ഷന്‍ അഭ്യര്‍ഥനയില്‍ അണ് ശൂറ കൗണ്‍സിലില്‍ വോട്ടെടുപ്പ് നടത്തും. നിയമനിര്‍മാണ, നിയമകാര്യ കമ്മിറ്റി ചെയര്‍വുമണ്‍ ദലാല്‍ അല്‍ സായിദാണ് വോട്ടെടുപ്പിന് നേതൃത്വം നല്‍കുന്നത്.

രാഷ്ട്രീയ അവകാശ നിയമം, മുനിസിപ്പല്‍ കൗണ്‍സില്‍ തെരഞ്ഞെടുപ്പ് നിയമം, മുനിസിപ്പല്‍ നിയമം എന്നിവയില്‍ ഭേദഗതി വരുത്തി കൗമരക്കാർക്കും വോട്ടവകാശം നല്‍കാനുള്ള ശ്രമമാണ് താല്‍ക്കാലികമായി നിര്‍ത്തിവെക്കാന്‍ നീക്കം നടക്കുന്നത്. നേരത്തേ 2006ല്‍ ശൂറ കൗണ്‍സിലിന്റെ ശ്രമഫലമായി വോട്ടിങ് പ്രായം 21ല്‍ നിന്ന് 20 ആയി കുറച്ചിരുന്നു.

Plan to lower voting age to 18 could be suspended in Bahrain