കുവൈത്ത് സിറ്റി: ആക്ടിംഗ് പ്രധാനമന്ത്രി ഷെയ്ഖ് ഫഹദ് യൂസഫ് സൗദ് അല്‍ സബയുടെ നിര്‍ദ്ദേശങ്ങള്‍ക്കനുസൃതമായും നിയമം പാലിക്കുന്നതിനും ദേശീയ സുരക്ഷ വര്‍ധി പ്പിക്കുന്നതിനുമുള്ള നിരന്തരമായ ശ്രമങ്ങളുടെ ഭാഗമായി, കുവൈത്തിലെ താമസ, തൊഴില്‍ നിയമങ്ങള്‍ ലംഘിച്ചതിന് 419 പ്രവാസികളെ അറസ്റ്റ് ചെയ്തു.

രാജ്യത്തെ എല്ലാ ഗവര്‍ണറേറ്റുകളിലുമായി ജനറല്‍ ഡിപ്പാര്‍ട്ട്‌മെന്റ് ഓഫ് റെസിഡന്‍സി അഫയേഴ്‌സ് ഇന്‍വെസ്റ്റിഗേഷന്‍ നടത്തിയ വലിയ തോതിലുള്ള സുരക്ഷാ നടപടികളിലാണ് ഇത്രയും പേരെ അറസ്റ്റു ചെയ്തത്. 2025 ഏപ്രില്‍ 6 മുതല്‍ ഏപ്രില്‍ 8 വരെയുള്ള കാലയളവിലാണ് ഈ കാമ്പയ്‌നുകള്‍ നടന്നത്.

നിയമലംഘകരെ പിടികൂടാന്‍ ലക്ഷ്യമിട്ടുള്ള സമഗ്ര സുരക്ഷാ പദ്ധതിയുടെ ഭാഗമായി ഈ ഫീല്‍ഡ് കാമ്പയ്നുകള്‍ തുടരുന്നതിനുള്ള പ്രതിബദ്ധത ആഭ്യന്തര മന്ത്രാലയം ആവര്‍ത്തിച്ചു. രാജ്യത്തെ നിയമങ്ങളും ചട്ടങ്ങളും എല്ലാവരും പാലിക്കേണ്ടതിന്റെ പ്രാധാന്യവും മന്ത്രാലയം ചൂണ്ടിക്കാട്ടി.

സുരക്ഷാ ഉദ്യോഗസ്ഥരുമായി സഹകരിക്കാനും എന്തെങ്കിലും ലംഘനങ്ങള്‍ ഉണ്ടായാല്‍ റിപ്പോര്‍ട്ട് ചെയ്യാനും മന്ത്രാലയം പൊതുജനങ്ങളോട് അഭ്യര്‍ത്ഥിച്ചു. നിയമം പാലിക്കുക എന്നത് സമൂഹത്തിന്റെ സുരക്ഷയും സ്ഥിരതയും നിലനിര്‍ത്തുന്നതില്‍ നിര്‍ണായക പങ്ക് വഹിക്കുന്ന ഒരു പൊതു ഉത്തരവാദിത്തമാണെന്ന് മന്ത്രാലയം ഓര്‍മ്മിച്ചിച്ചു.

Kuwait authorities have arrested 419 expatriates in a major crackdown on visa and labor law violations, as part of ongoing efforts to regulate the labor market and residency system.