ന്യൂഡല്‍ഹി: ജാപ്പനീസ് എംബസി ഉദ്യോഗസ്ഥയുടെ ലൈംഗികാരോപണ പരാതിയെ തുടര്‍ന്ന് മുതിര്‍ന്ന പ്രൊഫസറെ പുറത്താക്കി ജവഹര്‍ലാല്‍ നെഹ്റു സര്‍വകലാശാല (ജെഎന്‍യു). 

മുതിര്‍ന്ന പ്രൊഫസറായ സ്വരണ്‍ സിംഗിനെയാണ് പുറത്താക്കിയത്. ജാപ്പനീസ് എംബസി ഉദ്യോഗസ്ഥയെ ലൈംഗികമായി പീഡിപ്പിച്ചുവെന്ന ആരോപണത്തെ തുടര്‍ന്ന് സ്‌കൂള്‍ ഓഫ് ഇന്റര്‍നാഷണല്‍ സ്റ്റഡീസിലെ സീനിയര്‍ ഫാക്കല്‍റ്റി അംഗമായ സ്വരണ്‍ സിങ്ങിനെ പിരിച്ചുവിട്ടതായി പേര് വെളിപ്പെടുത്താന്‍ ആഗ്രഹിക്കാത്ത ജെഎന്‍യുവിലെ ഒരു ഉദ്യോഗസ്ഥനാണ് വെളിപ്പെടുത്തിയത്.  

'കേസില്‍ കമ്മിറ്റിയുടെ കാര്യക്ഷമമായ അന്വേഷണം നടന്നു, ഇരുവിഭാഗത്തിനും സാക്ഷികളെ ഹാജരാക്കാന്‍ അവസരം ലഭിച്ചു,' സിങ്ങിനെതിരെ ഓഡിയോ റെക്കോര്‍ഡിംഗുകള്‍ ഉള്‍പ്പെടെ ധാരാളം തെളിവുകള്‍ ഉണ്ടായിരുന്നുവെന്ന് മറ്റൊരു ഫാക്കല്‍റ്റി അംഗം പറഞ്ഞു.

ജെഎന്‍യുവിന്റെ ഔദ്യോഗിക വെബ്സൈറ്റ് പ്രകാരം ജെഎന്‍യുവിലെ സ്‌കൂള്‍ ഫോര്‍ ഇന്റര്‍നാഷണല്‍ സ്റ്റഡീസിലെ സെന്റര്‍ ഫോര്‍ ഇന്റര്‍നാഷണല്‍ പൊളിറ്റിക്‌സ് അംഗമാണ് സ്വരണ്‍ സിംഗ്.

അതേസമയം ഒരു ഗവേഷണ പദ്ധതിയിലെ അഴിമതി ആരോപണത്തെ തുടര്‍ന്ന് പരിസ്ഥിതി ശാസ്ത്ര വകുപ്പിലെ മറ്റൊരു ഫാക്കല്‍റ്റിയേയും പിരിച്ചുവിട്ടു. കേസ് സെന്‍ട്രല്‍ ബ്യൂറോ ഓഫ് ഇന്‍വെസ്റ്റിഗേഷന്‍(സിബിഐ) അന്വേഷിക്കും.

ഗവേഷണ പദ്ധതിയെക്കുറിച്ചുള്ള വസ്തുതാന്വേഷണ സമിതിയുടെ റിപ്പോര്‍ട്ടിനെത്തുടര്‍ന്ന് രണ്ട് അനധ്യാപക ജീവനക്കാരെയും പിരിച്ചുവിട്ടിട്ടുണ്ട്.

JNU expelled senior professor Swaran Singh following a sexual harassment complaint filed by a Japanese embassy official. The action was taken after an internal probe by the university’s GSCASH committee confirmed the allegations.