കൊച്ചി: ലഹരി ഉപയോഗം സംബന്ധിച്ച കേസിൽ നടൻ ഷൈന്‍ ടോം ചാക്കോയെ പൊലീസ് അറസ്റ്റ് ചെയ്തതിന്റെ പശ്ചാത്തലത്തിൽ, സഹോദരന്‍ ജോ ജോണ്‍ ചാക്കോയുടെ പ്രതികരണം സാമൂഹ്യമാധ്യമങ്ങളിൽ ചിരിയും ചര്‍ച്ചയും ഉണ്ടാക്കുന്നു. മാധ്യമപ്രവർത്തകരുടെ ചോദ്യങ്ങൾക്ക് അദ്ദേഹം പരിഹാസപരമായിട്ടാണ് മറുപടി നൽകിയത്.

ഷൈനിനെ ഡീ-അഡിക്ഷൻ സെന്ററിൽ പ്രവേശിപ്പിച്ചിട്ടുണ്ടോയെന്ന ചോദ്യം അഭിമുഖീകരിച്ച ജോ ജോണ്‍, “ആ സമയത്ത് താന്‍ വീട്ടിലില്ലായിരുന്നുവെന്നും തന്നെ മാനസികാരോഗ്യ കേന്ദ്രത്തില്‍ ചികിത്സയ്ക്ക് അയച്ചിരിക്കുകയായിരുന്നുവെന്നും,”മെന്നാണ് മറുപടി നൽകിയത്.

അടുത്തതായി, ഷൈന്‍ ലഹരി ഇടപാടുകാരനായ സജീറുമായി നടത്തിയതെന്ന ആരോപിക്കപ്പെടുന്ന 20,000 രൂപയുടെ ഇടപാടിനെക്കുറിച്ചുള്ള ചോദ്യത്തിന്, "ഞാന്‍ ഒരു 5000 രൂപ കടം ചോദിച്ചിട്ട് തരാത്ത ആളാണെന്നായിരുന്നു സഹോദരന്റെ പരിഹാസം നിറഞ്ഞ പ്രതികരണം.

ജാമ്യത്തിനായി പൊലീസ് സ്റ്റേഷനിൽ എത്തിയതിന്റെ പ്രസക്തിയെ മാധ്യമപ്രവർത്തകർ ചോദിച്ചപ്പോൾ, “ഞാൻ ചേട്ടനെ കൊണ്ടുപോകാനാണ് വന്നത്,” എന്നും “ഡീ അഡിക്ഷന്‍ സെന്ററിൽ പോകുന്നതെന്താണ്, നിങ്ങളാരും പോയിട്ടില്ലേയോ?” എന്നും പരിഹാസത്തോടെ ചോദിച്ചു.

ഇന്നാണ് ഷൈന്‍ ടോം ചാക്കോയെ NDPS ആക്ടിലെ സെക്ഷനുകൾ 27, 29 പ്രകാരം അറസ്റ്റ് ചെയ്തത്.ഷൈന്‍ ടോം ചാക്കോയെ പിന്നീട് ജാമ്യത്തിൽ വിട്ടയച്ചു. ലഹരി ഉപഭോഗവുമായി ബന്ധപ്പെട്ട ഈ കുറ്റത്തിന് ആറുമാസം മുതൽ ഒരു വർഷം വരെ തടവ് ലഭിക്കാനാവുമെന്നാണ് കണക്കാക്കുന്നത്.