ദുബൈ: ദുബൈയിലെ ദേരയിലേക്കുള്ള ജുമൈറ സ്ട്രീറ്റ് ഞായറാഴ്ച അടച്ചിടുമെന്ന് ദുബൈ റോഡ്‌സ് ആന്‍ഡ് ട്രാന്‍സ്‌പോര്‍ട്ട് അതോറിറ്റി അറിയിച്ചു.

ഉമ്മു സുഖീം ഇന്റര്‍സെക്ഷനും ബുര്‍ജ് അല്‍ അറബ് ഇന്റര്‍സെക്ഷനും ഇടയില്‍ പുലര്‍ച്ചെ 1:30 മുതല്‍ പുലര്‍ച്ചെ 5:30 വരെ അടച്ചിടുമെന്നും അധികൃതര്‍ അറിയിച്ചു.

سيتم إغلاق شارع جميرا من تقاطع أم سقيم إلى تقاطع برج العرب باتجاه ديرة، يوم الأحد 20 أبريل 2025، من الساعة 1:30 صباحاً حتى الساعة 5:30 صباحاً.

تدعوكم #هيئة_الطرق_و_المواصلات إلى التخطيط لرحلاتكم مسبقاً والانطلاق باكراً واستخدام الطرق البديلة، لضمان تنقل سهل وسلس خلال ساعات… pic.twitter.com/a8KtDBNWwF

— RTA (@rta_dubai) April 19, 2025

അടച്ചിടുന്ന സമയത്ത് കാലതാമസം ഒഴിവാക്കുന്നതിനും സുഗമമായ യാത്ര ഉറപ്പാക്കുന്നതിനും വാഹനമോടിക്കുന്നവര്‍ മുന്‍കൂട്ടി യാത്രകള്‍ ആസൂത്രണം ചെയ്യണമെന്നും ബദല്‍ വഴികള്‍ ഉപയോഗിക്കണമെന്നും ആര്‍ടിഎ അഭ്യര്‍ത്ഥിച്ചു.

അടിസ്ഥാന സൗകര്യ വികസനത്തിന്റെ ഭാഗമായി ഷാര്‍ജ ദൈദ് റോഡില്‍ പ്രധാന റോഡുകള്‍ അടച്ചിടുമെന്നും യാത്രക്കാരെ വഴിതിരിച്ചുവിടുമെന്നും ഷാര്‍ജ റോഡ്‌സ് ആന്‍ഡ് ട്രാന്‍സ്‌പോര്‍ട്ട് അതോറിറ്റി അറിയിച്ചു.

സോഷ്യല്‍ മീഡിയയില്‍ പങ്കുവെച്ച പോസ്റ്റ് അനുസരിച്ച്, പാലം നമ്പര്‍ 4 വഴി അല്‍ ദൈദ് സിറ്റിയിലേക്ക് നയിക്കുന്ന എക്‌സിറ്റ് ഏപ്രില്‍ 18 വെള്ളിയാഴ്ച മുതല്‍ 2025 ഏപ്രില്‍ 21 തിങ്കളാഴ്ച വരെ അടച്ചിടും. അറ്റക്കുറ്റപ്പണികളുടെ ഭാഗമായാണ് നടപടി.

 

 

ചുവപ്പ് നിറത്തില്‍ അടയാളപ്പെടുത്തിയിരിക്കുന്ന പാതകള്‍ അടച്ചിടും. അതേസമയം പച്ച നിറത്തില്‍ അടയാളപ്പെടുത്തിയിരിക്കുന്ന പാതകള്‍ ഗതാഗതത്തിനായി തുറന്നിരിക്കും. ഗതാഗത തടസ്സം ബാധിക്കുന്ന ഭാഗങ്ങള്‍ എടുത്തുകാണിക്കുന്ന ഭൂപടങ്ങളും അതോറിറ്റി പങ്കിട്ടിട്ടുണ്ട്.

Dubai’s Roads and Transport Authority (RTA) has issued a traffic alert for the temporary closure of Jumeirah Street. Drivers are advised to use alternative routes during the closure.