നോയിഡ: യുപിയില്‍ ഭാര്യയുടെയും, ബന്ധുക്കളുടെയും മാനസിക പീഡനം താങ്ങാനാവില്ലെന്ന് ആരോപിച്ച് വീഡിയോ ചെയ്ത യുവാവ് ജീവനൊടുക്കി. നോയ്ഡയിലെ സിമന്റ് കമ്പനി എഞ്ചിനീയറായ മോഹിത് കുമാറാണ് ആത്മഹത്യ ചെയ്തത്. മരിച്ചതിന് ശേഷം തനിക്ക് നീതി കിട്ടിയില്ലെങ്കില്‍ ചിതാഭസ്മം അഴുക്കുചാലില്‍ ഒഴുക്കണമെന്നും യുവാവ് വീഡിയോയില്‍ പറഞ്ഞിരുന്നു. ഏഴ് വര്‍ഷത്തോളം നീണ്ട പ്രണയത്തിന് ശേഷമാണ് ഇരുവരും വിവാഹിതരായത്. 

ഭാര്യയും, കുടുംബവും ചേര്‍ന്ന് തന്നെ നിരന്തരം മാനസികമായി പീഡിപ്പിക്കുകയാണെന്നാണ് യുവാവ് പറഞ്ഞത്. തങ്ങള്‍ക്ക് പിറക്കാനിരുന്ന കുഞ്ഞിനെ ഭാര്യയുടെ മാതാവ് നിര്‍ബന്ധപൂര്‍വ്വം ഗര്‍ഭഛിദ്രത്തിലൂടെ നശിപ്പിച്ചെന്നും, തന്റെ സ്വത്തുക്കള്‍ ഭാര്യയുടെ പേരിലേക്ക് മാറ്റിയില്ലെങ്കില്‍ ഗാര്‍ഹിക പീഡനത്തിന് കേസ് ഫയല്‍ ചെയ്യുമെന്ന് ഭീഷണിപ്പെടുത്തിയെന്നും മോഹിത് ആരോപിച്ചു. ജീവിച്ചിരിക്കുമ്പോള്‍ തനിക്ക് നീതി ലഭിച്ചില്ലെന്നും മരണ ശേഷവും നീതി കിട്ടിയില്ലെങ്കില്‍ തന്റെ ചിതാഭസ്മം അഴുക്ക് ചാലില്‍ ഒഴുക്കണമെന്നുമാണ് വീഡിയോയില്‍ ആവശ്യപ്പെട്ടത്. 

നോയിഡയിലെ സിമന്റ് കമ്പനിയില്‍ ജോലി ചെയ്യുമ്പോഴാണ് മോഹിത് പ്രിയ എന്ന യുവതിയെ പരിചയപ്പെടുന്നത്. ശേഷം ഏഴ് വര്‍ഷം നീണ്ട പ്രണയത്തിനൊടുവിലാണ് ഇരുവരും വിവാഹിതരാവുന്നത്. വിവാഹ ശേഷം പ്രിയക്ക് ബിഹാറിലെ സമസ്തിപൂരില്‍ പ്രൈമറി സ്‌കൂള്‍ ടീച്ചറായി ജോലി ലഭിച്ചു. ജോലി ലഭിച്ചപ്പോള്‍ പ്രിയ ഗര്‍ഭിണിയായിരുന്നുവെന്നും, എന്നാല്‍ അവരുടെ മാതാവ് നിര്‍ബന്ധിച്ച് ഗര്‍ഭഛിദ്രം നടത്തിയെന്നുമാണ് മോഹിത് പറയുന്നത്. തുടര്‍ന്നിങ്ങോട്ട് പ്രിയയും, കുടുംബവും ചേര്‍ന്ന് തന്നെ മാനസികമായി പീഡിപ്പിക്കുകയായിരുന്നെന്നാണ് യുവാവിന്റെ ആരോപണം. 

up engineer found lost life after accusing wife and family for mental torture viral video