ബംഗളുരു: കർണാടകയുടെ മുൻ ഡിജിപി (ഡയറക്ടർ ജനറൽ ഓഫ് പോലീസ്) ഓം പ്രകാശിനെ ബംഗളുരുവിലെ സ്വന്തം വസതിയിൽ  മരിച്ച നിലയിൽ കണ്ടെത്തി. 68 വയസ്സുള്ള ഈ മുൻ ഉന്നത പൊലീസ് ഉദ്യോഗസ്ഥന്റെ മരണത്തിൽ ദുരൂഹത ഉണ്ടെന്ന് പൊലീസിന്റെ പ്രാഥമിക വിലയിരുത്തൽ. ഓം പ്രകാശിന്റെ മൃതദേഹത്തിൽ ചില പരിക്കുകൾ കണ്ടെത്തിയിട്ടുണ്ട്. സംഭവസ്ഥലത്ത് രക്തസ്രാവം ഉണ്ടായിരുന്നുവെന്നും പൊലീസ് വ്യക്തമാക്കി.

ഭാര്യയാണ് വിവരം അറിയിച്ചത്

മുൻ ഡിജിപിയുടെ ഭാര്യ പല്ലവി ഞായറാഴ്ച പൊലീസിനെ വിളിച്ച് ഭർത്താവിന്റെ മരണം വിവരം അറിയിക്കുകയായിരുന്നു. തുടർന്ന് പൊലീസ് സംഘം ഉടൻ സ്ഥലത്തെത്തി അന്വേഷണം ആരംഭിച്ചു. ഓം പ്രകാശ് താമസിച്ചിരുന്നത് ബംഗളുരുവിലെ എച്ച്.എസ്.ആർ ലേഔട്ടിലെ മൂന്ന് നിലകളുള്ള ഒരു വീട്ടിലാണ്.

സംശയം അടുത്ത ബന്ധുവിന്മേൽ

ഈ മരണത്തിൽ അടുത്ത ബന്ധുവിന്മേൽ സംശയം നിലനിൽക്കുന്നുണ്ടെന്ന് പൊലീസ് ഉദ്യോഗസ്ഥരെ ഉദ്ധരിച്ച് വാർത്താ ഏജൻസികൾ റിപ്പോർട്ട് ചെയ്തിട്ടുണ്ട്. ഭാര്യയെയും മകളെയും പൊലീസ് ചോദ്യം ചെയ്തു വരികയാണ്. മൃതദേഹം പോസ്റ്റ്മോർട്ടത്തിനായി ആശുപത്രിയിലേക്ക് മാറ്റിയിട്ടുണ്ട്.

പ്രശസ്ത ഉദ്യോഗസ്ഥൻ

ബിഹാർ സ്വദേശിയായ ഓം പ്രകാശ് 1981 ബാച്ച് ഐപിഎസ് ഓഫീസറാണ്. 2015 മാർച്ചിൽ കർണാടകയുടെ പൊലീസ് മേധാവിയായി ചുമതലയേറ്റു.അതിന് മുമ്പ് സംസ്ഥാന ഫയർ ആൻഡ് എമർജൻസി സർവീസസ് ഡയറക്ടറടക്കമുള്ള വിവിധ ഉന്നത സ്ഥാനങ്ങളിൽ സേവനമനുഷ്ഠിച്ചിരുന്നു.

Former Karnataka Director General of Police (DGP) Om Prakash (68) was found dead inside his residence in Bengaluru’s HSR Layout. His body bore injuries and was discovered in a pool of blood, raising suspicion of foul play. His wife informed the police, who have begun questioning close relatives, including his wife and daughter. Preliminary investigation suggests possible involvement of a family member. The body has been sent for post-mortem to determine the exact cause of death.