ലഖ്‌നൗ: ഐപിഎൽ 2024ലെ ത്രില്ലിംഗ് മത്സരത്തിൽ ലഖ്‌നൗ സൂപ്പർ ജയന്റ്സിനെതിരെ ഡൽഹി ക്യാപിറ്റൽസ് 8 വിക്കറ്റിന്റെ തകർപ്പൻ വിജയം സ്വന്തമാക്കി. 160 റൺസ് വിജയലക്ഷ്യം പിന്തുടർന്ന ഡൽഹി, 17.5 ഓവറിൽ രണ്ട് വിക്കറ്റിന് മാത്രം നഷ്ടത്തോടെ ലക്ഷ്യം കൈവരിച്ചു. അഭിഷേക് പോറെലും (51) കെ.എൽ രാഹുലും (57*) മികച്ച പ്രകടനമാണ് ഡൽഹിയുടെ ജയം ഉറപ്പിച്ചത്.

ലഖ്‌നൗവിന്റെ തട്ടകമായ ഏകാന ക്രിക്കറ്റ് സ്റ്റേഡിയത്തിൽ നടന്ന മത്സരത്തിൽ ടോസ് നേടി ഡൽഹി ബൗളിംഗ് തിരഞ്ഞെടുത്തിരുന്നു. ലക്നൗ നിശ്ചിത 20 ഓവറിൽ 6 വിക്കറ്റിന് 159 റൺസാണ് നേടിയതു. മിച്ചൽ മാർഷ് 36 പന്തിൽ 45 റൺസും എയ്ഡൻ മർക്രം 33 പന്തിൽ 52 റൺസും നേടി മികച്ച പ്രകടനം കാഴ്ചവെച്ചു. ഇതോടെ മിച്ചൽ മാർഷ് ഐപിഎൽ കരിയറിലെ 1000 റൺസ് പൂര്‍ത്തിയാക്കി – ഈ നേട്ടത്തിലെത്താൻ താരത്തിന് 16 വർഷം വേണ്ടി വന്നു.

ഡൽഹിയുടെ ബൗളിങ്ങിൽ മുകേഷ് കുമാർ ആണ് നിരണായകപങ്ക് വഹിച്ചത്. നാല് ഓവറിൽ 33 റൺസ് വഴങ്ങി നാല് വിലപ്പെട്ട വിക്കറ്റുകളാണ് താരം വീഴ്ത്തിയത്. മിച്ചൽ സ്റ്റാർക്കും ദുഷ്മന്ത ചമീരക്കും ഓരോ വിക്കറ്റുകൾ വീതം ലഭിച്ചു.

മറുപടി ബാറ്റിംഗിന് ഇറങ്ങിയ ഡൽഹി ശക്തമായ തുടക്കമാണ് ലഭിച്ചത്. 6 ഓവറുകൾക്കുള്ളിൽ 54 റൺസ് നേടിയ ടീം, പിന്നീട് അഭിഷേക് പോറെലും കെ.എൽ രാഹുലും ചേർന്ന് ഇന്നിംഗ്സ് കരുത്തുറ്റതാക്കി. പോറെൽ 36 പന്തിൽ 51 റൺസും, രാഹുൽ 42 പന്തിൽ 57 റൺസുമായി പുറത്താകാതെ ക്രീസിൽ ഉറച്ചു നിന്നു. അക്സർ പട്ടേൽ 20 പന്തിൽ 34 റൺസുമായി രാഹുലിന് പിന്തുണയായി.

മത്സരത്തിൽ ധ്രുതഗതിയിലേക്ക് സ്കോറിനെ നയിച്ച ഈ താരങ്ങൾ ഡൽഹിയുടെ വിജയം എളുപ്പമാക്കി. പോയിന്റ് പട്ടികയിൽ ഡൽഹി ക്യാപിറ്റൽസ് രണ്ടാം സ്ഥാനത്തെ തന്നെ തുടരുന്നു.