മട്ടാഞ്ചേരി: മദര്‍ തെരേസയുടെ വിശുദ്ധ പദവി പ്രഖ്യാപനത്തോടനുബന്ധിച്ച് മദര്‍ തെരേസ ഗ്‌ളോബല്‍ ഫൗണ്ടേഷന്റെ നേതൃത്വത്തില്‍ അനുസ്മരണ സമ്മേളനം നടത്തി. ഫോര്‍ട്ട്‌കൊച്ചി പളളത്ത് രാമന്‍ മൈതാനിയില്‍ നടന്ന പരിപാടി ജോണ്‍ ഫര്‍ണാണ്ടസ് എം.എല്‍.എ ഉദ്ഘാടനം ചെയ്തു. ആലപ്പുഴ രൂപത വികാരി പയസ് ആറാട്ടുകുളം അധ്യക്ഷത വഹിച്ചു.
ഡോക്ടര്‍ റാഫി പരിയാത്ത് ശേരി അനുസ്മരണ പ്രഭാഷണം നടത്തി. കെ.ജെ മാക്‌സി എം.എല്‍.എ, നഗരസഭ ടൗണ്‍ പ്‌ളാനിങ് കമ്മിറ്റി ചെയര്‍പേഴ്‌സന്‍ ഷൈനി മാത്യൂ, വി.ജെ ഹൈസിന്ത്, അലോഷ്യസ് കളരിക്കല്‍ തുടങ്ങിയവര്‍ സംസാരിച്ചു. കൃതജ്ഞതാ ദിവ്യബലിക്ക് കൊച്ചി രൂപത ബിഷപ്പ് ഡോക്ടര്‍ ജോസഫ് കരിയില്‍ കാര്‍മ്മികത്വം വഹിച്ചു.
ചെല്ലാനം സെന്റ് ജോര്‍ജ്ജ് പള്ളിയുടെ നേതൃത്വത്തില്‍ വിളംബര റാലിയും പതാക പ്രയാണവും നടന്നു.