മലപ്പുറം: പ്രണയം തകര്‍ന്ന നിരാശയില്‍ ഫേസ്ബുക്കില്‍ ലൈവിട്ട് ആത്മഹത്യെ ചെയ്യുമെന്ന് യുവാവ്. യുവാവിനെ രക്ഷപ്പെടുത്തി കുറ്റിപ്പുറം പൊലിസ്. പ്രണയനൈരാശ്യത്താല്‍ ഫേസ്ബുക്കില്‍ ലൈവ് ഇട്ട ശേഷം കുറ്റിപ്പുറം റെയില്‍വേ ട്രാക്കില്‍ ആത്മഹത്യ ചെയ്യാനായിരുന്നു യുവാവിന്റെ ശ്രമം. പൊന്നാനി സ്റ്റേഷന്‍ പരിധിയിലുള്ള കാലടി സ്വദേശിയായ യുവാവിനെയാണ് കുറ്റിപ്പുറം എസ്‌ഐയുടെ നേതൃത്വത്തിലുള്ള പൊലിസ് സംഘം ജീവിതത്തിലേക്ക് തിരിച്ചു കൊണ്ടുവന്നത്.

യുവാവുമായി പ്രണയിച്ച യുവതി ബന്ധത്തില്‍ നിന്നു പിന്‍മാറിയതിനെ തുടര്‍ന്നാണ് ഫേസ്ബുക്കില്‍ ലൈവ് ഇട്ട ശേഷം കുറ്റിപ്പുറത്തെ റെയില്‍വേ ട്രാക്കിലേക്ക് ആത്മഹത്യ ചെയ്യാനെത്തിയത്. പൊന്നാനി പൊലിസ് നല്‍കിയ വിവരത്തിന്റെ അടിസ്ഥാനത്തില്‍ സൈബര്‍ സെല്ലിന്റെ സഹായത്തോടെയാണ് യുവാവിന്റെ ലൊക്കേഷന്‍ കണ്ടെത്തിയത്.

എന്നാല്‍ പൊലിസ് എത്തിയപ്പോഴേക്കും യുവാവ് റെയില്‍വേട്രാക്കിന്റെ മറ്റൊരു സ്ഥലത്തേക്ക് മാറിയിരുന്നു. തുടര്‍ന്ന് ഫോണ്‍ നമ്പറിലേക്ക് എസ്‌ഐ വിളിക്കുകയും യുവാവിനോട് സംസാരിക്കുകയും ചെയ്തു. യുവാവിനെ കണ്ടെത്തി ഏറെ നേരം നീണ്ട പൊലിസുകാരുടെ കൗണ്‍സലിങിലാണ് യുവാവ് ആത്മഹത്യയില്‍ നിന്നു പിന്‍മാറിയത്.