ശ്രീനഗര്‍: ഇന്ത്യ-പാക് അതിര്‍ത്തിയിലെ കര്‍ഷകരോട് 48 മണിക്കൂറിനകം വിളവെടുക്കണമെന്ന നിര്‍ദേശവുമായി ബി.സ്.എഫ്. പഹല്‍ഗാം ഭീകരാക്രമണത്തിന് പിന്നാലെ ഇരു രാജ്യങ്ങള്‍ക്കുമിടയില്‍ ഉടലെടുത്ത സംഘര്‍ഷസാഹചര്യം തുടരുന്നതിനിടെയാണ്  നിര്‍ദേശം എന്നതാണ് ശ്രദ്ധേയം.

സംഘര്‍ഷസാധ്യത കണക്കിലെടുത്ത് ഇവിടെ കൂടുതല്‍ സുരക്ഷയേര്‍പ്പെടുത്താനാണ് ബി.എസ്.എഫ് ഒരുങ്ങുന്നുതെന്നാണ് റിപ്പോര്‍ട്ടുകള്‍ പറയുന്നത്. ഇത് വിളവെടുപ്പിന് വിഘാതം സൃഷ്ടിക്കാതിരിക്കാനാണ് നിര്‍ദേശമെന്നാണ് സൂചന. 530 കിലോ മീറ്റര്‍ നീളമുള്ള അന്താരാഷ്ട്ര അതിര്‍ത്തിയില്‍ 45,000 ഏക്കറോളം കൃഷിസ്ഥലമാണ്. വളര്‍ന്ന് നില്‍ക്കുന്ന ഗോതമ്പ് ചെടികള്‍ സുഗമമായ അതിര്‍ത്തി നിരീക്ഷണത്തിന് തടസമാവുന്നുണ്ടെന്ന് റിപ്പോര്‍ട്ടുകള്‍ സൂചിപ്പിക്കുന്നു. ഈ സാഹചര്യം കണക്കിലെടുത്താണ് വിളവെടുപ്പ് വേഗം നടത്താന്‍ ഇന്ത്യന്‍ സേന നിര്‍ദേശം നല്‍കിയിരിക്കുന്നത്.

അമൃത്സര്‍, തരണ്‍ താരണ്‍, ഫിറോസ്പൂര്‍, ഫാസിക ജില്ലകളിലെ കര്‍ഷകര്‍ക്ക് ഗുരുദ്വാരകളില്‍ നിന്നും ഇതുസംബന്ധിച്ച് മുന്നറിയിപ്പ് നല്‍കിയിട്ടുണ്ട്. ഗോതമ്പ് വിളവെടുപ്പിന്റെ 80% ത്തിലധികം കഴിഞ്ഞെങ്കിലും, നിശ്ചിത സമയത്തിനുള്ളില്‍ വിളവെടുത്ത് പിന്നീട് കാലിത്തീറ്റയായി ഉപയോഗിക്കുന്നതിനായി 'വൈക്കോല്‍' ശേഖരിക്കുക എന്നത് വളരെ വെല്ലുവിളി നിറഞ്ഞതാണെന്നാണ് കര്‍ഷകര്‍ പറയുന്നത്. അതേസമയം, ഇന്ത്യ- പാക് സംഘര്‍ഷം കൂടുതല്‍ രൂക്ഷമായാല്‍ പ്രദേശത്ത് കൃഷിയിറക്കുന്നതില്‍ ഉള്‍പ്പടെ പ്രതിസന്ധി നേരിടുമോയെന്ന ആശങ്കയിലാണ് കര്‍ഷകര്‍.

Following the Pahalgam terror attack, the BSF has advised farmers near the India-Pakistan international border to complete their harvest within 48 hours due to escalating tensions between the two nations.