ലണ്ടൻ: ടോട്ടനത്തെ ഗോൾമഴയിൽ മുക്കി ഇംഗ്ലിഷ് പ്രീമിയർ ലീഗിൽ കിരീടമുറപ്പിച്ച് ലിവർപുൾ. ഇന്നലെ 5-1ന് ടോട്ടനത്തെ കീഴടക്കിയതോടെ നാല് മത്സരം ബാക്കി നിൽക്കെയാണ് ലിവർപുൾ പ്രീമിയർ ലീഗിൽ തങ്ങളുടെ 20-ാം കിരീടമുറപ്പിച്ചത്.

നിലവിൽ 34 മത്സരങ്ങളിൽനിന്ന് 82 പോയിന്റാണ് ലിവർപൂളിന്റെ സമ്പാദ്യം. 67 പോയിന്റുമായി രണ്ടാമതുളള ആഴ്സ‌നലിന് ഇനിയുള്ള മത്സരങ്ങളെല്ലാം ജയിച്ചാലും ലിവർപൂളിനൊപ്പമെത്താനാവില്ല. ഇതോടെ ഏറ്റവും കൂടുതൽ പ്രി മിയർലീഗ് കിരീടമെന്ന മാഞ്ചസ്റ്റർ യുനൈറ്റഡിന്റെ നേട്ടത്തിനൊപ്പമെത്താനും ലിവർപൂളിനായി. 

ടോട്ടനത്തിനെതിരേ സ്വന്തം തട്ടകത്തിൽ ആധികാരികമായായിരുന്നു ലിവർപൂളിന്റെ പ്രകടനം. 12-ാം മിനുട്ടിൽ ഡൊമിനിക് സോളങ്കയിലൂടെ ടോട്ടനമാണ് ആദ്യം ലീഡെടുത്തത്. എന്നാൽ പിന്നീട് ശക്തമായി തിരിച്ചടിച്ച ലിവർപൂൾ ആദ്യ പകുതിയിൽ തന്നെ മൂന്ന് ഗോളുകൾ വലയിലാക്കി.

16-ാം മിനുട്ടിൽ ലൂയി സ് ഡയസ്, 24-ാം മിനുട്ടിൽ മാക് അലിസ്റ്റർ, 34-ാം മിനുട്ടിൽ കോഡി ഗാക്പോ. 63-ാം മിനുട്ടിൽ മുഹമ്മദ് സലാഹ് എന്നിവരാണ് എന്നിവരാണ് ലിവർപുളിന്റെ ഗോളുകൾ നേടിയത്. 69-ാം മിനുട്ടിൽ ഉഡോഗിയുടെ സെൽഫ് ഗോളും പിറന്നു. 

Liverpool won English Premiere league title 2025