കൊച്ചി: റാപ്പർ വേടന്റെ ഫ്ലാറ്റിൽ നിന്നും കഞ്ചാവ് പിടികൂടി. തൃപ്പൂണിത്തറയിലെ ഫ്ലാറ്റിൽ ഹിൽപാലസ് പൊലിസ് നടത്തിയ പരിശോധനയിലാണ് കഞ്ചാവ് പിടികൂടിയത്. സിനിമ മേഖലയിൽ പ്രവർത്തിക്കുന്ന നിരവധി ആളുകൾ മയക്കുമരുന്ന് ഉപയോഗിക്കുന്നുണ്ട് എന്നതിന്റെ അടിസ്ഥാനത്തിൽ കൊച്ചിയിൽ പരിശോധന വ്യാപകമായി നടക്കുന്നുണ്ട്. ഇതിന്റെ ഭാഗമായി നടത്തിയ അന്വേഷണത്തിന് പിന്നാലെയാണ് വേടന്റെ ഫ്ലാറ്റിൽ നിന്നും കഞ്ചാവ് പിടിച്ചെടുത്തത്.

ഡാൻസാഫ് സംഘത്തിന് ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു പൊലിസ് ഇവിടെ പരിശോധന നടത്തിയിരുന്നത്. ഫ്ലാറ്റിൽ നിന്നും ഏഴ് ഗ്രാം കഞ്ചാവ് ആണ് പൊലീസ് പിടികൂടിയത്. പരിശോധന നടക്കുന്ന സമയങ്ങളിൽ ഇവിടെ ഒമ്പത് അംഗ സംഘമായിരുന്നു ഉണ്ടായിരുന്നത്. വേടന്റെ അറസ്റ്റ് രേഖപ്പെടുത്തുമെന്നാണ് ലഭിക്കുന്ന വിവരങ്ങൾ.

Hunter caught in drug bust 7 grams of ganja seized from flat