മസ്കത്ത്: ഒമാനിലെ പ്രശസ്ത ഷോപ്പിങ് ഡെസ്റ്റിനേഷനായ മാള് ഓഫ് മസ്കത്തിന്റെ നിയന്ത്രണം ലുലു ഗ്രൂപ്പ് ഏറ്റെടുത്തു. 2025 ഏപ്രിൽ 28-ന് മസ്കത്തിൽ നടന്ന ഔപചാരിക ചടങ്ങിൽ, ലുലു ഗ്രൂപ്പ് ചെയർമാൻ എം.എ. യൂസഫലി, തമാനി ഗ്ലോബൽ എ.കെ.എസുമായി മാനേജ്മെന്റ് എഗ്രിമെന്റിൽ ഒപ്പുവെച്ചു. 

മാളിന്റെ ദൈനംദിന പ്രവർത്തനങ്ങൾ, മാർക്കറ്റിംഗ്, വികസന പദ്ധതികൾ എന്നിവ ഇനി ലുലു ഗ്രൂപ്പ് കൈകാര്യം ചെയ്യും, ഇത് പ്രാദേശിക സമ്പദ്‌വ്യവസ്ഥയ്ക്ക് ഉണർവ് പകരുമെന്ന് പ്രതീക്ഷിക്കുന്നു. ഒമാൻ സുൽത്താൻ ഹൈതം ബിൻ താരിഖിന്റെ പിന്തുണയ്ക്ക് നന്ദി അറിയിച്ച യൂസഫലി, ഒമാനിലെ ജനങ്ങളുടെ ഷോപ്പിങ് അനുഭവം മെച്ചപ്പെടുത്താനും തൊഴിലവസരങ്ങൾ സൃഷ്ടിക്കാനും ഈ സംരംഭം ലക്ഷ്യമിടുന്നതായി വ്യക്തമാക്കി.