തിരുവനന്തപുരം: വിമര്‍ശനവും വിവാദവും ഉയര്‍ന്നതിന് പിന്നാലെ വിഴിഞ്ഞം ഉദ്ഘാടന ചടങ്ങിലേക്ക് പ്രതിപക്ഷ നേതാവ് വി.ഡി സതീശന് ക്ഷണം. അല്‍പ്പസമയം മുന്‍പാണ് തുറമുഖ മന്ത്രിയുടെ കത്ത് പ്രതിപക്ഷ നേതാവിന്റെ ഔദ്യോഗിക വസതിയില്‍ എത്തിച്ചത്. ഇന്നലത്തെ തീയതിയിലാണ് കത്ത്.  പ്രതിപക്ഷ നേതാവിനെ ക്ഷണിച്ചെന്ന് ഇന്ന് മന്ത്രി വി.എന്‍.വാസവനും സ്ഥിരീകരിച്ചു. പ്രതിപക്ഷ നേതാവിന്റെ അടക്കം പേര് ഉള്‍പ്പെടുത്തിയാണ് കേന്ദ്രത്തിനു കത്ത് നല്‍കിയതെന്നും വേദിയില്‍ ആരൊക്കെ ഉണ്ടാകുമെന്ന് പ്രധാനമന്ത്രിയുടെ ഓഫീസ് തീരുമാനിക്കുന്നതെന്നും മന്ത്രി കൂട്ടിച്ചേര്‍ത്തു.

പ്രധാനമന്ത്രി നരേന്ദ്ര മോദി പങ്കെടുക്കുന്ന ഉദ്ഘാടന ചടങ്ങിലേക്ക് വി.ഡി സതീശന് ക്ഷണം ലഭിച്ചിരുന്നില്ല. ഇതിനെതിരെ ശക്തമായ വിമര്‍ശനമാണ് കോണ്‍ഗ്രസ് ഉയര്‍ത്തിയത്. ഏറെ  വിവാദങ്ങള്‍ക്കൊടുവിലാണ് തുറമുഖ മന്ത്രി പ്രതിപക്ഷ നേതാവിന് ക്ഷണക്കത്ത് നല്‍കിയിരിക്കുന്നത്.

After strong criticism and public controversy, Kerala's Opposition Leader V.D. Satheesan has been officially invited to the Vizhinjam port inauguration. The invite, signed by the Port Minister, was delivered a day late amidst ongoing political tension.