വിംബർലിഗഞ്ച്: അന്തമാൻ റൈഞ്ച് ജംഇയ്യത്തുൽ മുഅല്ലിമീന്റെ  ആഭിമുഖ്യത്തിൽ രണ്ടു ദിവസങ്ങളിലായി SKIMVB പരിഷ്കരിച്ച പാഠപുസ്തക  ശില്പശാലയും അന്തമാൻ റൈഞ്ചിലേയും പോർട്ട് ബ്ലൈർ റൈഞ്ചിലേയും മാനേജ്മെന്റുകളെ ഉൾപെടുത്തി മാനേജ്മെന്റ് കൺവെൻഷനും വിപുലമായി നടന്നു. അന്തമാൻ റേഞ്ച് മാനേജ്മെന്റ് കൺവെൻഷൻ വിൻബാർലികഞ്ചിൽ വെച്ചും പോർട്ബ്ലൈർ മാനേജ്മെന്റ് കൺവെൻഷൻ  ഡിലേനിപൂർ മദ്രസയിൽ വെച്ചും നടന്നു.

 അറബി മലയാളം, ഉർദു മീഡിയം വിഭാഗങ്ങളിലായി 24 മദ്രസകളിൽ 1500 ലധികം വിദ്യാർത്ഥികൾ സമസ്തയുടെ അംഗീകാരമുള്ള മദ്രസകൾക്ക് കീഴിൽ അന്തമാനിൽ പഠനം നടത്തുന്നുണ്ട്.  നൂറോളം മുഅല്ലിമുകൾ പൂർണമായും ദ്വിദിന ട്രൈനിങ്ങിൽ പങ്കെടുത്തു.

വിദ്യഭ്യാസബോർഡിന്റെ പാഠപുസ്തക നിർമാണസമിതി കോർഡിനേറ്റർ YP അബൂബക്കർ മൗലവി, സമസ്ത ഇ ലേണിംഗ് അഡ്മിൻ അബ്ദുൽ ഹക്കീം ഫൈസി തോട്ടര എന്നിവർ  വിവിധ ക്ലാസുകൾക്ക് നേതൃത്വം നൽകി.

അന്തമാൻ റൈഞ്ച് പ്രസിഡണ്ട് TM ഹംസ മുസ്‌ലിയാർ അധ്യക്ഷത  വഹിച്ച യോഗത്തിൽ റൈഞ്ച് സെക്രട്ടറി CH ഇസ്മാഈൽ ഫൈസി സ്വാഗതം പറഞ്ഞു. കെ യൂസുഫ് ഖാസിമി, ഹുസൈൻ ഖാസിമി, ഖാദർ നിസാമി, സൗഖത്ത് അലി ഫൈസി, ശമീർ ഫൈസി, ജാബിർ ഫൈസി, സൈനുദ്ദീൻ ഫൈസി, ശംസുദ്ദീൻ മൗലവി, ഇസ്മാഈൽ ഖാസിമി, അബ്ദുൽ ഹമീദ് ദാരിമി, റഫീഖ് മൗലവി, ഹുസൈൻ ദാരിമി, മുതീഉൽ ഹഖ് നിസാമി,  ഉമർ സാഹിബ്, മുഹമ്മദ് സിദ്ദിഖ് സാഹിബ്, മുഴുവൻ മുഅല്ലിംകളും മറ്റു പ്രമുഖ  നേതാക്കളും സംബന്ധിച്ചു.