അഹമ്മദാബാദ്: ടി-20 ഫോർമാറ്റിൽ പുത്തൻ റെക്കോർഡുമായി ഗുജറാത്ത് ടൈറ്റൻസ് ഓപ്പണർ സായ് സുദർശൻ. സൺറൈസേഴ്‌സ് ഹൈദെരാബാദിനെതിരെയുള്ള മത്സരത്തിലാണ് താരം തന്റെ കരിയറിലെ പുത്തൻ നേട്ടത്തിലേക്ക് നടന്നുകയറിയത്. ടി-20യിൽ 2000 റൺസ് പൂർത്തിയാക്കാനാണ് സായ് സുദർശന് സാധിച്ചത്.

ടി-20യിൽ ഏറ്റവും വേഗത്തിൽ 2000 റൺസ് പിന്നിടുന്ന ഇന്ത്യൻ താരമായും സായ് മാറി. 54 ഇന്നിങ്‌സുകളിൽ നിന്നുമാണ് താരം ഈ നേട്ടം കൈവരിച്ചത്. 59 ഇന്നിങ്‌സുകളിൽ നിന്നും 2000 ടി-20 റൺസ് പൂർത്തിയാക്കിയ സച്ചിൻ ടെണ്ടുൽക്കറിന്റെ റെക്കോർഡ് തകർത്താണ് സായ് ഈ റെക്കോർഡ് കൈപ്പിടിയിലാക്കിയത്. 

ഗുജറാത്തിന്റെ തട്ടകമായ അഹമ്മദാബാദ് നരേന്ദ മോദി സ്റ്റേഡിയത്തിൽ നടക്കുന്ന മത്സരത്തിൽ ടോസ് നേടിയ ഹൈദരാബാദ് ബൗളിംഗ് തെരഞ്ഞെടുക്കുകയായിരുന്നു. ടോസ് നഷ്ടപ്പെട്ട് ആദ്യം ബാറ്റ് വീശിയ ഗുജറാത്ത് ആറ് വിക്കറ്റ് നഷ്ടത്തിൽ 224 റൺസാണ് സ്വന്തമാക്കിയത്.  

മത്സരത്തിൽ 23 പന്തിൽ 48 റൺസാണ് താരം നേടിയത്. ഒമ്പത് ഫോറുകളാണ് താരം നേടിയത്. ക്യാപ്റ്റൻ ശുഭ്മാൻ ഗിൽ, ജോസ് ബട്ലർ എന്നിവർ അർദ്ധ സെഞ്ചുറിയും നേടി മികച്ച പ്രകടനമാണ് നടത്തിയത്. ഗിൽ 36 പന്തിൽ 76 റൺസാണ് നേടിയത്. 10 ഫോറുകളും രണ്ട് സിക്സുമാണ് താരം നേടിയത്. ബട്ലർ മൂന്ന് ഫോറുകളും നാല് സിക്സുകളും ഉൾപ്പടെ 37 പന്തിൽ 64 റൺസും നേടിയത്. 

ഹൈദരാബാദിനായി ജയ്‌ദേവ് ഉനദ്കട്ട് മൂന്ന് വിക്കറ്റുകളും കമ്മിൻസ്, സീഷാൻ അൻസാരി എന്നിവർ ഓരോ വിക്കറ്റും സ്വന്തമാക്കി. 

ഗുജറാത്ത് ടൈറ്റൻസ് പ്ലെയിങ് ഇലവൻ

സായ് സുദർശൻ, ശുഭ്മാൻ ഗിൽ(ക്യാപ്റ്റൻ), ജോസ് ബട്ട്‌ലർ(വിക്കറ്റ് കീപ്പർ), വാഷിംഗ്ടൺ സുന്ദർ, രാഹുൽ തിവാട്ടിയ, ഷാരൂഖ് ഖാൻ, റാഷിദ് ഖാൻ, രവി ശ്രീനിവാസൻ സായ് കിഷോർ, ജെറാൾഡ് കോറ്റ്‌സി, മുഹമ്മദ് സിറാജ്, പ്രസീദ് കൃഷ്ണ. 

സൺറൈസേഴ്‌സ് ഹൈദരബാദ് പ്ലെയിങ് ഇലവൻ

അഭിഷേക് ശർമ, ഇഷാൻ കിഷൻ, ഹെൻറിച്ച് ക്ലാസെൻ(വിക്കറ്റ് കീപ്പർ), അനികേത് വർമ, കമിന്ദു മെൻഡിസ്, നിതീഷ് കുമാർ റെഡ്ഡി, പാറ്റ് കമ്മിൻസ്(ക്യാപ്റ്റൻ), ഹർഷൽ പട്ടേൽ, ജയ്ദേവ് ഉനദ്കട്ട്, സീഷൻ അൻസാരി, മുഹമ്മദ് ഷമി.

Sai Sudarshan Breaks Sachin Tendulker Record in T20 Cricket