2025 ഏപ്രിൽ 22-ന് ജമ്മു കശ്മീരിൽ പഹൽഗാമിലെ ബൈസരൻ വാലിയിൽ നടന്ന ഭീകരാക്രമണം 26 പേരുടെ ജീവൻ അപഹരിച്ച ഇന്ത്യയിൽ സമീപകാലത്ത് സാധാരണക്കാർക്കെതിരെ നടന്ന ഏറ്റവും മാരകമായ ആക്രമണങ്ങളിലൊന്നായിരുന്നു. കൊല്ലപ്പെട്ടവരിൽ ഇന്ത്യൻ നാവികസേനയിലെ ലെഫ്റ്റനന്റ് വിനയ് നർവാൾ (26) എന്ന ചെറുപ്പക്കാരനും ഉൾപ്പെടുന്നു. വിനയ്, തന്റെ ഭാര്യ ഹിമാൻഷി നർവാളിനൊപ്പം ഹണിമൂൺ ആഘോഷിക്കാൻ പഹൽഗാമിലെത്തിയതായിരുന്നു. ഇരുവരുടെയും വിവാഹം കഴിഞ്ഞ് വെറും ആറ് ദിവസങ്ങൾക്ക് ശേഷമാണ് ഈ ദുരന്തം സംഭവിക്കുന്നതും വിനയുടെ ജീവൻ നഷ്ടപ്പെടുന്നതും. 

 

 

ദി ക്വിന്റ്  നടത്തിയ റിപ്പോർട്ടുകളുടെ അടിസ്ഥാനത്തിൽ ഹിമാൻഷി നർവാളിനെതിരെ നടക്കുന്ന വിദ്വേഷവും വെറുപ്പും നിറക്കുന്ന സോഷ്യൽ മീഡിയ പോസ്റ്റുകളുമായി വിഭാഗിയത സൃഷ്ടിക്കുകയാണ് പല ഹിന്ദുത്വവാദികൾ. 2025 മെയ് 1-ന്, വിനയ് നർവാളിന്റെ 27-ാം ജന്മദിനത്തിൽ, ഹരിയാനയിലെ കർണാലിൽ നാഷണൽ ഇന്റഗ്രേറ്റഡ് ഫോറം ഓഫ് ആർട്ടിസ്റ്റ്സ് ആൻഡ് ആക്ടിവിസ്റ്റ്സ് (NIFAA) സംഘടിപ്പിച്ച രക്തദാന ക്യാമ്പിൽ ഹിമാൻഷി പങ്കെടുക്കുകയും ഒരു സന്ദേശം നൽകുകയുമുണ്ടായി: "മുസ്ലീങ്ങളെയും കശ്മീരികളെയും പിന്തുടരേണ്ടതില്ല. സമാധാനമാണ് വേണ്ടത്, സമാധാനം മാത്രം. തീർച്ചയായും, നീതി വേണം. അദ്ദേഹത്തോട് തെറ്റ് ചെയ്ത ആളുകൾ ശിക്ഷിക്കപ്പെടണം." (We don’t want people to go after Muslims and Kashmiris. We want peace and only peace. Of course, we want justice. The people who have wronged him should be punished".)

എന്നാൽ, ഈ സമാധാനപരമായ വാക്കുകൾ സോഷ്യൽ മീഡിയയിൽ വൻ വിവാദമായാണ് മാറിയത്. ഹിമാൻഷിയുടെ പ്രസ്താവനയെ 'ദേശവിരുദ്ധ'മായി ചിത്രീകരിച്ച് നിരവധി പേർ അവർക്കെതിരെ വിദ്വേഷപരമായ ട്രോളുകളും അധിക്ഷേപങ്ങളും നടത്തി. ഒരു എക്സ് ഉപയോക്താവ്, ഹിമാന്ഷിയുടെ ഫേസ്ബുക്ക് പോസ്റ്റുകൾ പരിശോധിച്ച്, 2018-ലെ കത്വ ബലാത്സംഗ കേസിൽ ശിക്ഷിക്കപ്പെട്ടവർക്ക് നീതി ആവശ്യപ്പെട്ട ഹിമാൻഷിയുടെ പോസ്റ്റുകൾ 'ദേശവിരുദ്ധ'മാണെന്ന് പോലും ആരോപിച്ചു. മറ്റൊരാൾ, ഹിമാൻഷി ജവഹർലാൽ നെഹ്റു യൂണിവേഴ്സിറ്റിയിൽ (JNU) പഠിച്ചിരുന്ന കാലത്ത് 'കശ്മീരികളോട് അടുപ്പം' കാണിച്ചിരുന്നുവെന്നും, ഇത് 'ദേശവിരുദ്ധ' പ്രവർത്തനത്തിന്റെ തെളിവാണെന്നുമുള്ള തരത്തിൽ അഭ്യൂഹങ്ങൾ പറഞ്ഞു പരത്തി.

 

 

ഏറ്റവും ഞെട്ടിപ്പിക്കുന്ന ആരോപണങ്ങളിലൊന്ന്, "ഹിമാൻഷി തന്റെ മുസ്ലിം ഭീകരനായ കാമുകന്റെ സഹായത്തോടെ ഭർത്താവിനെ കൊലപ്പെടുത്തിയതാണ്" എന്നായിരുന്നു. ഫേസ്ബുക്കിൽ 77,000 ഫോളോവേഴ്സുള്ള ഒരു ഉപയോക്താവ്, പ്രധാനമന്ത്രി നരേന്ദ്ര മോദിയോടൊപ്പമുള്ള ചിത്രം പ്രൊഫൈൽ പിക്ചറാക്കി, ഹിമാൻഷി 'സെക്കുലർ മനോഭാവ'മുള്ളവളാണെന്നും, ദമ്പതികൾക്കിടയിൽ 'സ്നേഹം' ഉണ്ടായിരുന്നില്ലെന്നും ആരോപിച്ചു.

 

 

ഹിമാൻഷിക്ക് പുറമേ, ആക്രമണത്തിൽ പിതാവ് എൻ. രാമചന്ദ്രനെ നഷ്ടപ്പെട്ട ആരതി മേനോനും സമാനമായ വിദ്വേഷത്തിന് ഇരയാക്കിയിരുന്നു. കശ്മീരി നാട്ടുകാർ തനിക്ക് സഹായം നൽകിയതിനെ പ്രശംസിച്ച് ആരതി പറഞ്ഞ വാക്കുകൾ, "അവർ ഇപ്പോൾ എന്റെ സഹോദരന്മാരെപ്പോലെയാണ്" എനന്നായിരുന്നു,

 

ഈ പ്രസ്താവന, വിദ്വേഷ പ്രചാരകർ ആയുധമാക്കുകയായിരുന്നു. ഒരു എക്സ് പോസ്റ്റിൽ, "ഇത്തരമൊരു മകളുള്ളതിനേക്കാൾ കുട്ടികളില്ലാതിരിക്കുന്നതാണ് ഭേദം" എന്ന പറഞ്ഞു വിഷം തുപ്പുകയായിരുന്നു.  ചിലർ ഹിമാൻഷിയെ "സെക്കുലർ രാഷ്ട്രീയ പാർട്ടികൾക്ക് വേണ്ടി സാഹചര്യം ചൂഷണം ചെയ്യുന്നവൾ" എന്നും വിശേഷിപ്പിച്ചു.

 

 

 

 

 

 

 

 

 

 

 

എന്നാൽ, ക്ഷേത്രത്തിന്റെ മുഖ്യ പുരോഹിതനായ മഹന്ത് ശ്രീ രാം ശരൺ ദാസ് ഈ ആഹ്വാനത്തെ തള്ളിക്കളഞ്ഞിരുന്നു. "ഈ ബഹിഷ്കരണ ആഹ്വാനം ശരിയല്ല. ഇവിടെ ഹിന്ദുക്കളും മുസ്ലിംകളും ഒരുമിച്ചാണ് ജീവിക്കുന്നത്. ഈ വിഭാഗീയതയിൽ നിന്ന് ഒരു നന്മയും ഉണ്ടാകില്ല," എന്ന് അദ്ദേഹം പ്രസ്താവന ജനഹൃദയങ്ങളെ തൊട്ടിരുന്നു.

 

 

പഹൽഗാം ഭീകരാക്രമണം, ഇന്ത്യയിലെ സാമുദായിക സൗഹാർദത്തിന്റെ ദുർബലമായ അവസ്ഥയെയും ഒരു വിധേന വെളിപ്പെടുത്തിയെന്നു തന്നെ വേണം പറയാൻ. ഹിമാൻഷി നർവാൾ, തന്റെ ഭർത്താവിന്റെ നഷ്ടത്തിന്റെ വേദനയിലും, വിദ്വേഷത്തിനെതിരെ സമാധാനത്തിന്റെയും നീതിയുടെയും സന്ദേശം ഉയർത്തിപ്പിടിച്ചപ്പോൾ സോഷ്യൽ മീഡിയയിൽ അവർക്കെതിരെ ഉയർന്ന വിദ്വേഷ പ്രചാരണം, രാജ്യത്ത് വർധിച്ചുവരുന്ന വിഭാഗീയതയുടെ ആഴത്തെയാണ് വ്യക്തമാക്കുന്നത്. 

 

 

ഈ വിദ്വേഷങ്ങൾക്കിടയിലും ഒട്ടനവധി പേർ ഹിമാൻഷിയെ സപ്പോർട്ട് ചെയ്തും രംഗത്ത്  വന്നിരുന്നു. പ്രശസ്ത മാധ്യമപ്രവർത്തകൻ പരഞ്ജോയ് ഗുഹ ഠാക്കുർത്ത, അന്തരിച്ച അഡ്മിറൽ എൽ. രാംദാസിന്റെ ഭാര്യ ലളിത രാംദാസ് തുടങ്ങിയവർ ഹിമാൻഷിക്ക് വേണ്ടി സംസാരിച്ചിരുന്നു. രാംദാസിന്റെ ഭാര്യ ലളിത രാംദാസ്ഹൃദയസ്പർശിയായ ഒരു സന്ദേശം ഹിമാൻഷിക്കായി പങ്കുവെച്ചു.