കോഴിക്കോട്: താമരശ്ശേരി ചുരത്തിൽ കൊക്കയിൽ വീണ യുവാവിനെ ഫയർ ഫോഴ്സ് രക്ഷാപ്രവർത്തനത്തിലൂടെ കണ്ടെത്തി. വയനാട് കമ്പളക്കാട് സ്വദേശി ശരത്താണ് അപകടത്തിൽപ്പെട്ടത്. താമരശ്ശേരി ചുരത്തിലെ ഒമ്പതാം വളവിലെ വ്യൂ പോയിന്റിൽ നിന്നാണ് ശരത് അബദ്ധവശാൽ കൊക്കയിൽ വീണത്. വൈത്തിരി താലൂക്ക് ആശുപത്രിയിൽ പ്രവേശിപ്പിച്ചു.

സംഭവസ്ഥലത്ത് പോലീസും ഫയർ ഫോഴ്സും എത്തി തിരച്ചിൽ നടത്തിയിരുന്നു. കുഴിയുടെ ആഴം കൂടുതലായതിനാൽ രക്ഷാപ്രവർത്തനം ദുഷ്കരമായിരുന്നുവെന്ന് ഫയർ ഫോഴ്സ് അറിയിച്ചു. പോലീസ് സംഭവത്തെക്കുറിച്ച് അന്വേഷണം ആരംഭിച്ചിട്ടുണ്ട്.