ഹൈദരാബാദ്: ഐപിഎല്ലിൽ ഡൽഹി ക്യാപ്പിറ്റൽസും സൺറൈസേഴ്‌സ് ഹൈദെരാബാദും തമ്മിലുള്ള മത്സരം നടക്കുകയാണ്. ഹൈദരാബാദിന്റെ തട്ടകമായ രാജീവ് ഗാന്ധി സ്റ്റേഡിയത്തിൽ നടക്കുന്ന മത്സരത്തിൽ ടോസ് നേടിയ ഹൈദരാബാദ് ബൗളിംഗ് തെരഞ്ഞെടുക്കുകയായിരുന്നു. ആദ്യം ബാറ്റ് ഡൽഹി ഏഴു വിക്കറ്റ് നഷ്ടത്തിൽ 133 റൺസാണ് നേടിയത്.

ഡൽഹിയുടെ ബാറ്റിങ്ങിൽ നിരാശപ്പെടുത്തിയെങ്കിലും മത്സരത്തിൽ കെഎൽ രാഹുൽ തന്റെ കരിയറിൽ പുതിയൊരു നേട്ടമാണ് കൈവരിച്ചത്. മത്സരത്തിൽ 14 പന്തിൽ 10 റൺസാണ് രാഹുൽ നേടിയത്. ഒരു ഫോറാണ് താരം നേടിയത്. ഇതോടെ ടി-20യിൽ 1000 ബൗണ്ടറികൾ പൂർത്തിയാക്കാൻ രാഹുലിന് സാധിച്ചു. ടി-20യിൽ 1000 ബൗണ്ടറികൾ നേടുന്ന ആറാമത്തെ ഇന്ത്യൻ താരമാണ് രാഹുൽ. വിരാട് കോഹ്‌ലി (1602), രോഹിത് ശർമ്മ (1588), ശിഖർ ധവാൻ (1324), സൂര്യകുമാർ യാദവ് (1204), സുരേഷ് റെയ്‌ന (1104) എന്നിവരാണ് ഇതിനു മുമ്പ് ഈ നേട്ടത്തിലെത്തിയ ഇന്ത്യൻ താരങ്ങൾ. 

അശുതോഷ് ശർമ്മ, ട്രിസ്റ്റൺ സ്റ്റബ്സ് എന്നിവരാണ് ഡൽഹിക്കായി മികച്ച പ്രകടനം നടത്തിയത്. ഇരുവരും 41 റൺസാണ് നേടിയത്. സൺറൈസേഴ്‌സ് ഹൈദരാബാദ് ബൗളിങ്ങിൽ നായകൻ പാറ്റ് കമ്മിൻസ് മൂന്ന് വിക്കറ്റുകൾ നേടി തിളങ്ങി. നാല് ഓവറിൽ വെറും 19 റൺസ് വിട്ടുനൽകിയാണ് കമ്മിൻസ് മൂന്ന് വിക്കറ്റുകൾ നേടിയത്. എഷാൻ മലിംഗ, ജയ്‌ദേവ് ഉനദ്കട്ട്, ഹർഷൻ പട്ടേൽ എന്നിവർ ഓരോ വിക്കറ്റും നേടി.

സൺറൈസേഴ്‌സ് ഹൈദരാബാദ് പ്ലെയിങ് ഇലവൻ

അഭിഷേക് ശർമ്മ, ഇഷാൻ കിഷൻ(വിക്കറ്റ് കീപ്പർ), സച്ചിൻ ബേബി, ഹെൻറിച്ച് ക്ലാസൻ, അനികേത് വർമ്മ, അഭിനവ് മനോഹർ, പാറ്റ് കമ്മിൻസ്(ക്യാപ്റ്റൻ), ഹർഷൽ പട്ടേൽ, ജയ്ദേവ് ഉനദ്കട്ട്, സീഷൻ അൻസാരി, ഇഷാൻ മലിംഗ.

ഡൽഹി ക്യാപ്പിറ്റൽസ് പ്ലെയിങ് ഇലവൻ

ഫാഫ് ഡു പ്ലെസിസ്, അഭിഷേക് പോറെൽ, കരുണ് നായർ, കെ എൽ രാഹുൽ(വിക്കറ്റ് കീപ്പർ), അക്സർ പട്ടേൽ(ക്യാപ്റ്റൻ), ട്രിസ്റ്റൻ സ്റ്റബ്സ്, വിപ്രജ് നിഗം, മിച്ചൽ സ്റ്റാർക്ക്, ദുഷ്മന്ത ചമീര, കുൽദീപ് യാദവ്, ടി നടരാജൻ.

kl Rahul create a new record in IPL History