മസ്കത്ത്: കെഎംസിസി അൽ ഖൂദ്,മബേല, സീബ്,റുസൈൽ ഏരിയ കമ്മിറ്റികളും പ്രൈം മെഡിക്കൽ സെൻ്റർ, മബേലയുമായി സഹകരിച്ച് സൗജന്യ മെഗാ മെഡിക്കൽ ക്യാമ്പ് സംഘടിപ്പിച്ചു.

മസ്കത്ത് കെ.എം.സി.സി സെക്രട്ടറി ഇബ്രാഹിം ഒറ്റപ്പാലം ഉദ്ഘാടനം ചെയ്തു. പ്രൈം മെഡിക്കൽ സെൻ്റർ മാനേജിംഗ് ഡയറക്ടർമാരായ സുബൈർ കണ്ടിയിൽ, അബ്ദുൽ റഷീദ് നൗഷാദ്, ഓപ്പറേഷൻസ് മാനേജർ രഞ്ജിത് കുമാർ, മാർക്കറ്റിംഗ് മാനേജർ അഖിൽ ലാൽ എന്നിവർ സന്നിഹിതരായിരുന്നു. കെ.എം.സി.സി അംഗങ്ങൾക്ക് പ്രൈം മെഡിക്കൽ സെൻ്റർ നല്കുന്ന വിവിധ ആനുകൂല്യങ്ങൾ സംബന്ധിച്ച് ധാരണാ പത്രത്തിൽ ഒപ്പു വെച്ചു. പ്രൈം മെഡിക്കൽ സെൻ്റർ ഓപ്പറേഷൻസ് മാനേജർ രഞ്ജിത് കുമാറും വിവിധ ഏരിയ കമ്മിറ്റികളെ പ്രതിനിധീകരിച്ച് ടി.പി. മുനീർ, യാക്കൂബ് തിരൂർ, അബ്ദുൽ ഗഫൂർ താമരശ്ശേരി, സമീർ ശിവപുരം
എന്നിവർ ധാരണ പത്രത്തിൽ ഒപ്പു വെച്ചു. ഏരിയ കമ്മിറ്റി പ്രസിഡൻ്റുമാരായ എം.ടി. അബൂബക്കർ, സയ്ദ് ശിവപുരം, ഫൈസൽ മുണ്ടൂർ എന്നിവർ പങ്കെടുത്തു.

മെഡിക്കൽ ക്യാമ്പിന് ഡോക്ടർമാരായ അത്മ എസ് രാജ്, മുഹമ്മദ് ബഷീർ, സൊമാ അൽ ഹതീം, ദീപു വിജയൻ, ഫാത്തിമ അൻസാരി, ടെന്നിസൺ ഡിക്രൂസ്, സ്റ്റാഫ് പ്രതിനിധികൾ തുടങ്ങിയവർ നേതൃത്വം നല്കി.