റിയാദ്: സഊദി വിമാനത്താവളം, കര അതിര്‍ത്തി, തുറമുഖം എന്നീ മാര്‍ഗങ്ങളിലൂടെ രാജ്യത്തേക്ക് എത്തുന്ന ഹജ്ജ് തീര്‍ത്ഥാടകര്‍ അനുവദിച്ച തുകയില്‍ കൂടുതല്‍ മൂല്യമുള്ള വസ്തുക്കളുമായി എത്തി പിഴ അടയ്ക്കുന്നത് ഒഴിവാക്കാണമെന്ന് സഊദി അധികൃതരുടെ നിര്‍ദേശം. ആകെ 60,000 റിയാലിന് മുകളില്‍ മൂല്യമുള്ള വസ്തുക്കളുമായാണ് ഹജ്ജ് ചെയ്യാന്‍ വരുന്നതെങ്കില്‍ ഇക്കാര്യം അധികൃതരെ മുന്‍കൂട്ടി അറിയിച്ചാല്‍ പിഴ അടയ്‌ക്കേണ്ടി വരില്ലെന്ന് സഊദി ഹജ്ജ്, ഉംറ മന്ത്രാലയം വ്യക്തമാക്കി.

60,000 റിയാലില്‍ കൂടുതല്‍ പണമോ വസ്തുക്കളോ ആയി സഊദിയിലേക്ക് പ്രവേശിക്കുന്ന സമയത്തും പുറത്തുകടക്കുന്ന സമയത്തും തീര്‍ത്ഥാടകര്‍ ഇക്കാര്യം അധികൃതരോട് വെളിപ്പെടുത്തണം. അല്ലാത്തപക്ഷം തീര്‍ത്ഥാടകര്‍ ശിക്ഷ നേരിടേണ്ടിവരും. 

കറന്‍സി, വിലപിടിപ്പുള്ള രത്‌നങ്ങള്‍, ലോഹങ്ങള്‍, സ്വര്‍ണക്കട്ടികള്‍ എന്നിവയ്ക്കും ഈ നിയമം ബാധകമാണെന്ന് മന്ത്രാലയം അറിയിച്ചു. 

കസ്റ്റംസ് വിഭാഗത്തിനു മുന്നില്‍ ഇതേക്കുറിച്ച് അറിയിക്കുന്നത് തീര്‍ഥാടകരുടെ അവകാശങ്ങള്‍ സംരക്ഷിക്കാനും സഊദി അറേബ്യയുടെ സാമ്പത്തിക, നിയമ സംവിധാനങ്ങള്‍ പാലിക്കുന്നുണ്ടെന്ന് തെളിയിക്കുകയും ചെയ്യുന്നുവെന്ന് മന്ത്രാലയം ചൂണ്ടിക്കാട്ടി. ഇത് പാലിക്കുന്നതില്‍ പരാജയപ്പെട്ടാല്‍ കാലതാമസം, പിഴ തുടങ്ങിയ നിയമനടപടികള്‍ക്ക് കാരണമാകും.

തീര്‍ത്ഥാടകരെ സുരക്ഷിതവും സുഗമവും നിയമാനുസൃതവുമായ ഹജ്ജ് യാത്ര ആസ്വദിക്കാന്‍ സഹായിക്കുന്നതിനുള്ള ഞങ്ങളുടെ നിരന്തരമായ ബോധവല്‍ക്കരണ കാമ്പെയ്‌നിന്റെ ഭാഗമാണ് ഈ മാര്‍ഗ്ഗനിര്‍ദ്ദേശം എന്ന് മന്ത്രാലയം പറഞ്ഞു.

The Saudi Ministry of Hajj and Umrah has instructed Hajj pilgrims to inform authorities in advance if they are carrying valuables exceeding 60,000 riyals. This step aims to ensure transparency and compliance with customs regulations.