കോഴിക്കോട്: മുന്‍ എംഎല്‍എ എ പ്രദീപ് കുമാര്‍ മുഖ്യമന്ത്രിയുടെ പുതിയ പ്രൈവറ്റ് സെക്രട്ടറി. നിലവില്‍ സിപിഎം സംസ്ഥാന കമ്മിറ്റി അംഗമാണ് പ്രദീപ് കുമാര്‍. മുഖ്യമന്ത്രിയുടെ പ്രൈവറ്റ് സെക്രട്ടറിയായിരുന്ന കെകെ രാഗേഷ് സിപിഎം കണ്ണൂര്‍ ജില്ലാ സെക്രട്ടറിയായതിനെ തുടര്‍ന്നാണ് പ്രദീപ് കുമാര്‍ ഈ പദവിയിലേക്ക് എത്തുന്നത്. 

കോഴിക്കോട് സിപിഎമ്മിലെ സൗമ്യമുഖവും ജനകീയനുമായ നേതാവാണ് പ്രദീപ് കുമാര്‍. സര്‍ക്കാരിന്റെ കാലാവധി അവസാനിക്കാന്‍ ഒരുവര്‍ഷം മാത്രമേ ബാക്കിയുള്ളൂ എന്നതിനാല്‍ മുഖ്യമന്ത്രിയുടെ ഓഫീസിനെ നയിക്കാന്‍ രാഷ്ട്രീയ പശ്ചാത്തലമുള്ള ഒരാളാണ് അഭികാമ്യമെന്ന പാര്‍ട്ടി നേതാക്കളുടെ അഭിപ്രായം കൂടി പരിഗണിച്ചാണ് പ്രദീപ് കുമാറിനെ പ്രൈവറ്റ് സെക്രട്ടറിയായി നിയമിച്ചത്.