മഞ്ഞ നിറത്തിലുള്ള പല്ല് എല്ലാവര്‍ക്കും ബുദ്ദിമുട്ടുള്ള കാര്യം തന്നെയാണ്. ശരിയായി പരിചരിച്ചില്ലെങ്കില്‍ വളരെക്കാലം കഴിയുമ്പോള്‍ പല്ലുകളില്‍ അടിഞ്ഞുകൂടുന്ന മഞ്ഞ നിറം ദ്വാരമുണ്ടാക്കുകയും പ്ലാക്കുകളാവുകയും ചെയ്യുന്നു. ഇങ്ങനെ വരുമ്പോള്‍ അവ നീക്കം ചെയ്യാന്‍ ബുദ്ദിമുട്ടുണ്ടാവുകയും ചെയ്യും. അതുകൊണ്ട് പല്ലുകളില്‍ അടിഞ്ഞു കൂടിക്കിടക്കുന്ന പ്ലാക്ക് ഇല്ലാതാക്കാനും മഞ്ഞനിറം ഇല്ലാതാക്കാനും വീട്ടില്‍ തന്നെ ചെയ്യാവുന്ന എളുപ്പവഴികള്‍ എന്തൊക്കെയെന്നു നോക്കാം.

ഇന്നത്തെ കാലത്ത് ദന്ത ചികിത്സ വളരെ ചെലവേറിയതായി മാറിയിരിക്കുന്നു. അതുകൊണ്ട് തന്നെ വീട്ടില്‍ നമുക്ക് ചെയ്യാവുന്നതും ചെലവില്ലാത്തതും പ്രായോഗികവുമായ കാര്യങ്ങള്‍ ചെയ്തു തന്നെ പല്ലുകള്‍ പൂര്‍ണമായും വൃത്തിയാക്കാവുന്നതാണ്. 

ബേക്കിങ് സോഡയും നാരങ്ങനീരും 

പല്ല് തേയ്ക്കാന്‍ ബേക്കിങ് സോഡയും നാരങ്ങാനീരും ഉപയോഗിക്കാവുന്നതാണ്. ഒരു നുള്ള് ബേക്കിങ് സോഡയില്‍ കുറച്ച് നാരങ്ങാനീര് കലര്‍ത്തുക. ഒരു ടൂത്ത് ബ്രഷിന്റെ സഹായത്തോടെ പല്ലില്‍ പുരട്ടി രണ്ടു മിനിറ്റ് തേയ്ക്കുക. ആഴ്ചയില്‍ ഒന്നോ രണ്ടോ ദിവസം ഇങ്ങനെ ചെയ്താല്‍ പല്ലിന്റെ മഞ്ഞനിറം മാറി തിളക്കമുള്ള പല്ലുകള്‍ ലഭിക്കുന്നതാണ്. 

വെളിച്ചെണ്ണ ഉപയോഗിച്ചുള്ള ഓയില്‍ പുള്ളിങ്

പല്ലുകള്‍ക്ക് ഓയില്‍ പുള്ളിങ് നല്ലതായി പറയപ്പെടുന്നു. ആഴ്ചയില്‍ ഒന്നോ രണ്ടോ ദിവസം ഓയില്‍ പുള്ളിങ് ചെയ്യുന്നതിലൂടെ പല്ലിന്റെ മഞ്ഞ നിറം മാറുന്നതാണ്. ഇത് വളരെ ഫലപ്രദവുമാണ്. ഒരു ടീസ്പൂണ്‍ എണ്ണ വായില്‍ ഒഴിച്ച് പത്തോ പതിനഞ്ചോ മിനിറ്റ് വായില്‍ പിടിച്ചുവയ്ക്കുക. കുറച്ചു സമയത്തിനുശേഷം കഴുകിക്കളയാം. എണ്ണം നീക്കം ചെയ്യുക. ഇതിനു ശേഷം വേണമെങ്കില്‍ ബ്രഷ് ചെയ്യാവുന്നതുമാണ്. വായ്‌നാറ്റം ഇല്ലാതാക്കാനും സൂപ്പറാണ്.

ഉപ്പ് -കടുകെണ്ണ 

ഇവ ഉപയോഗിച്ചും പല്ല് വൃത്തിയാക്കാം. പണ്ടുകാലം മുതലേ ഉള്ള ഒരു ടിപ്പാണിത്. പല്ലുകള്‍ക്ക് എന്തെങ്കിലും പ്രശ്‌നമുണ്ടെങ്കില്‍ ഉപ്പും കടുകെണ്ണയും ഉപയോഗിക്കാന്‍ പറയുന്നത്. കടുകെണ്ണയില്‍ അല്‍പം ഉപ്പ് ചേര്‍ത്ത് പല്ലില്‍ പുരട്ടുന്നത് മഞ്ഞക്കളര്‍ ഇല്ലാതാക്കും. ഇതിനുവേണ്ടി ഒരു സ്പൂണ്‍ കടുകെണ്ണയില്‍ പാറ ഉപ്പ് കലര്‍ത്തി പല്ലില്‍ തേച്ചു പിടിപ്പിച്ച് ബ്രഷുപയോഗിച്ചോ കൈ ഉപയോഗിച്ചോ കഴുകിയാല്‍ മഞ്ഞക്കളര്‍ മാറുന്നതാണ്.