അഹമ്മദാബാദ്: ഐപിഎല്ലില്‍ വിക്കറ്റ് എടുത്ത് നോട്ട്ബുക്ക് സെലിബ്രേഷന്‍ നടത്തിയതിന് ലഖ്‌നൗ സൂപ്പര്‍ ജയന്റ്‌സ് താരം ദിഗ്‌വേഷ് റാത്തിക്ക് ഒരു മത്സരത്തില്‍ വിലക്ക് ലഭിച്ചിരുന്നു. അതേസമയം, ഇന്നലെ നടന്ന മത്സരത്തില്‍ മറ്റൊരു ലഖ്‌നൗ താരം ഇതേ സെലിബ്രേഷന്‍ ആവര്‍ത്തിച്ചു

ഗുജറാത്ത് ടൈറ്റന്‍സിനെതിരെയുള്ള മത്സരത്തിന്റെ പത്താം ഓവറിലായിരുന്നു സംഭവം. മത്സരത്തില്‍ ടൈറ്റന്‍സിന്റെ ജോസ് ബട്‌ലറെ ക്ലീന്‍ ബൗള്‍ഡ് ചെയ്ത ശേഷം ലഖ്‌നൗ പേസര്‍ ആകാഷ് മഹാരാജ് സിംഗ് ആണ് ഈ സെലിബ്രേഷന്‍ നടത്തിയത്. 18 പന്തില്‍ 33 റണ്‍സ് നേടിയിരുന്ന ബട്‌ലറുടെ വിക്കറ്റ് മത്സരത്തിന്റെ ടേണ്‍ഡിംഗ് പോയിന്റായിരുന്നു.

മത്സരത്തില്‍ ഇംപാക്റ്റ് സബ്ബായി കളത്തിലിറങ്ങിയ ആകാഷ് സിംഗ് 3.1 ഓവറില്‍ 29 റണ്‍സ് വിട്ടുകൊടുത്ത് ഒരു വിക്കറ്റ് സ്വന്തമാക്കി. ദിഗ്‌വേഷ് റാത്തിക്കെതിരെ ബിസിസിഐ അച്ചടക്ക നടപടി സ്വീകരിച്ചിരുന്നു, ഈ സാഹചര്യത്തില്‍ ആകാഷിനെതിരെയും നടപടി ഉണ്ടാകുമോ എന്നാണ് ആരാധകര്‍ ഉറ്റുനോക്കുന്നത്. 
 
തുടര്‍ച്ചയായി അച്ചടക്കം ലംഘിച്ചതിനായിരുന്നു ലഖ്‌നൗ സൂപ്പര്‍ ജയന്റ്‌സ് താരം ദിഗ്‌വേഷ് റാത്തിയെ ഐ.പി.എല്‍ ഗവേണിങ് കൗണ്‍സില്‍ ഒരു മത്സരത്തില്‍നിന്ന് വിലക്കി യത്. വിക്കറ്റ് നേടിയ ശേഷം അതിരുവിട്ട ആഘോഷം നടത്താറുള്ള ദിഗ്‌വേഷിന് ഈ സീസണില്‍ നേരത്തെ രണ്ടു മത്സരങ്ങളില്‍ മുന്നറിയിപ്പും പിഴയും ലഭിച്ചിരുന്നു. സണ്‍റേസേഴ്‌സ് ഹൈദരാബാദിനെതിരായ മത്സരത്തിലും മോശം പെരുമാറ്റം ആവര്‍ത്തിച്ചതോടെയാണ് താരത്തെ ഒരു മത്സരത്തില്‍നിന്ന് വിലക്കാന്‍ തീരുമാനിച്ചത്. ഇതോടെ ഈ സീസണില്‍ മൂന്നാം തവണയും ഐ.പി.എല്‍ പെരുമാറ്റച്ചട്ടം ലംഘിച്ചതിന് ദിഗ്വേഷ് കുറ്റക്കാരനാണെന്ന് ഇന്ത്യന്‍ ക്രിക്കറ്റ് കണ്‍ട്രോള്‍ ബോര്‍ഡ് (ബി.സി.സി.ഐ) കണ്ടെത്തി. അതിനാല്‍, ദിഗ്‌വേഷിന് മാച്ച് ഫീസിന്റെ 50 ശതമാനം പിഴയും ചുമത്തിയിട്ടുണ്ട്. 

കഴിഞ്ഞ മത്സരത്തില്‍ ഹൈദരാബാദ് താരം അഭിഷേക് ശര്‍മയുമായി താരം ദിഗ്‌വേഷ് തര്‍ക്കത്തില്‍ ഏര്‍പ്പെട്ടിരുന്നു. അമ്പയര്‍മാരും കളിക്കാരും ഇടപെട്ടാണ് താരത്തെ പിടിച്ചുമാറ്റിയത്. നേരത്തേ പഞ്ചാബ് കിങ്‌സ്, മുംബൈ ഇന്ത്യന്‍സ് ടീമുകള്‍ക്കെതിരായ മത്സരത്തിനിടയിലും താരം അച്ചടക്ക ലംഘനം നടത്തിയിരുന്നു.

After Digvesh Rathi's suspension for his 'notebook celebration', Lucknow Super Giants' Akash Maharaj Singh repeats the controversial gesture against Gujarat Titans. The BCCI faces scrutiny over whether similar disciplinary action will follow. Get the latest updates on this IPL celebration controversy!