ജയ്പൂർ: ഐപിഎല്ലിൽ പഞ്ചാബ് കിങ്‌സും ഡൽഹി ക്യാപ്പിറ്റൽസും തമ്മിലുള്ള മത്സരം നടക്കുകയാണ്. ജയ്‌പൂരിലെ സവായ് മാൻസിംഗ് സ്റ്റേഡിയത്തിൽ നടക്കുന്ന മത്സരത്തിൽ ടോസ് നേടിയ ഡൽഹി നായകൻ ഫാഫ് ഡുപ്ലെസിസ് ബൗളിംഗ് തെരഞ്ഞെടുക്കുകയായിരുന്നു.

മത്സരത്തിൽ പഞ്ചാബിനെതിരെ ഡൽഹി നായകൻ കളത്തിൽ ഇറങ്ങുന്നത് മികച്ച നേട്ടത്തിന്റെ റെക്കോർഡുമായാണ്. ഐപിഎല്ലിൽ പഞ്ചാബിനെതിരെ ഏറ്റവും മികച്ച ആവറേജുള്ള രണ്ടാമത്തെ താരമായാണ് ഫാഫ് കളത്തിൽ ഇറങ്ങുന്നത്. പഞ്ചാബിനെതിരെ 53.87 ശരാശരിയിലാണ് ഫാഫ് ബാറ്റ് വീശിയത്. 61.56 ആവറേജുള്ള ഗുജറാത്ത് നായകൻ ശുഭ്മൻ ഗില്ലാണ് ഈ പട്ടികയിൽ ഒന്നാമതുള്ളത്. 53.13 ആവറേജുള്ള മുൻ വെസ്റ്റ് ഇൻഡീസ് താരം ക്രിസ് ഗെയ്‌ലാണ് മൂന്നാം സ്ഥാനത്തുള്ളത്. 

ഐപിഎല്ലിൽ നേരത്തെ തന്നെ പ്ലേ ഓഫിലേക്ക് നാല് ടീമുകൾ യോഗ്യത നേടിക്കഴിഞ്ഞട്ടുണ്ട്. പഞ്ചാബ് കിങ്‌സ്, റോയൽ ചലഞ്ചേഴ്‌സ് ബെംഗളൂരു, ഗുജറാത്ത് ടൈറ്റൻസ്, മുംബൈ ഇന്ത്യൻസ് എന്നീ ടീമുകളാണ് പ്ലേ ഓഫിലേക്ക് മുന്നേറിയത്. പോയിന്റ് ടേബിളിൽ ആദ്യ രണ്ട് സ്ഥാനങ്ങളിൽ ഉറപ്പിക്കാൻ പഞ്ചാബിന് ജയം അനിവാര്യമാണ്.

എന്നാൽ ഡൽഹി പ്ലേ ഓഫിൽ നിന്നും പുറത്തായിരുന്നു. മുംബൈ ഇന്ത്യൻസിനോടേറ്റ തോൽവിക്ക് പിന്നാലെയാണ് ഡൽഹി പുറത്തായത്. വാംഖഡെ സ്റ്റേഡിയത്തിൽ നടന്ന മത്സരത്തിൽ ഡൽഹിക്ക് മുന്നിൽ മുംബൈ ഉയർത്തിയ 181 റൺസിന്റെ വിജയലക്ഷ്യം മറുപടിയുമായി എത്തിയ ഡൽഹിയുടെ ഇന്നിംഗ്സ് 18.2 ഓവറിൽ 121 റൺസിൽ അവസാനിക്കുകയായിരുന്നു. അതുകൊണ്ട് തന്നെ ഇനിയുള്ള മത്സരങ്ങൾ വിജയിച്ചുകൊണ്ട് മടങ്ങാനാവാറും ഡൽഹി ലക്ഷ്യം വെക്കുക. 

പഞ്ചാബ് കിങ്‌സ് പ്ലെയിങ് ഇലവൻ 

പ്രഭ്സിമ്രാൻ സിംഗ്, പ്രിയാൻഷ് ആര്യ, ജോഷ് ഇംഗ്ലിസ്(വിക്കറ്റ് കീപ്പർ), ശ്രേയസ് അയ്യർ(ക്യാപ്റ്റൻ), നെഹാൽ വധേര, ശശാങ്ക് സിംഗ്, മാർക്കസ് സ്റ്റോണിസ്, മാർക്കോ ജാൻസൻ, അസ്മത്തുള്ള ഒമർസായി, ഹർപ്രീത് ബ്രാർ, അർഷ്ദീപ് സിംഗ്.

ഡൽഹി ക്യാപ്പിറ്റൽസ് പ്ലെയിങ് ഇലവൻ

ഫാഫ് ഡു പ്ലെസിസ്(ക്യാപ്റ്റൻ), സെദിഖുള്ള അടൽ, കരുൺ നായർ, സമീർ റിസ്വി, ട്രിസ്റ്റൻ സ്റ്റബ്സ്(വിക്കറ്റ് കീപ്പർ), അശുതോഷ് ശർമ്മ, വിപ്രജ് നിഗം, കുൽദീപ് യാദവ്, മോഹിത് ശർമ്മ, മുസ്തഫിസുർ റഹ്മാൻ, മുകേഷ് കുമാർ. 

Faf Duplesis Great Record Against Punjab Kings in IPL