കോഴിക്കോട് : ജില്ലയ്ക്ക് ഇനിമുതല്‍ സ്വന്തമായി ഔദ്യോഗിക സ്പീഷീസുകള്‍. കേരള സംസ്ഥാന ജൈവവൈവിധ്യ ബോര്‍ഡുമായി സഹകരിച്ചാണ് ജൈവ-പരിസ്ഥിതി മേഖലയിലെ ചരിത്ര പ്രഖ്യാപനവുമായി കോഴിക്കോട് പഞ്ചായത്ത് രംഗത്തെത്തിയത്. അതിരാണിയാണ് ജില്ലാ പുഷ്പം, ഇയ്യകം ഔദ്യോഗിക വൃക്ഷമായും തിരഞ്ഞെടുക്കപ്പെട്ടു. ഇവക്ക് പുറമെ ജില്ലാ ചിത്രശലഭം, പക്ഷി, ജലജീവി, മത്സ്യം, മൃഗം, പൈതൃക വൃക്ഷം എന്നിവയും തിരഞ്ഞെടുത്തിട്ടുണ്ട്. 

ജില്ലാ പുഷ്പം : അതിരാണി
മൃഗം : ഈനാംപേച്ചി
മത്സ്യം : പാതാളപ്പൂന്താരകന്‍
ജലജീവി: നീര്‍നായ
പൈതൃകവൃക്ഷം : ഈന്ത്
പക്ഷി : മേനിപ്പൊന്‍മാന്‍
ചിത്രശലഭം: മലബാര്‍ റോസ്
ജില്ല വൃക്ഷം : ഇയ്യകം

രണ്ട് വര്‍ഷം മുന്‍പ് കാസര്‍ഗോഡ് ജില്ല പഞ്ചായത്താണ് ആദ്യമായി ജില്ല അടിസ്ഥാനത്തില്‍ പദ്ധതി നടപ്പിലാക്കിയത്. സംസ്ഥാന ജൈവവൈവിധ്യ ബോര്‍ഡിന്റെ പദ്ധതിയുടെ ഭാഗമായാണ് പുതിയ നടപടി. 

പൊതുജനങ്ങളില്‍ നിന്ന് പത്രമാധ്യമങ്ങള്‍ വഴി നാമനിര്‍ദേശങ്ങള്‍ സ്വീകരിക്കകയും, തദ്ദേശ സ്വംയഭരണ സ്ഥാപനങ്ങളിലെ ജനകീയ ജൈവൈവിധ്യ രജിസ്റ്ററിന്റെ അടിസ്ഥാത്തിലും നിര്‍ദേശങ്ങള്‍ സ്വകരിച്ച് വിദഗ്ദ ഉപദേശങ്ങള്‍ക്ക് ശേഷമാണ് അന്തിമ പട്ടിക തയ്യാറാക്കിയത്. വിവിധ ചര്‍ച്ചകള്‍ക്കും, ശില്പശാലകള്‍ക്കും, തിരുത്തലുകള്‍ക്കും പിന്നാലെയാണ് കോഴിക്കോടിനും ഔദ്യോഗിക സ്പീഷുകള്‍ ലഭിച്ചത്.