തിരുവനന്തപുരം: സംസ്ഥാനത്ത് പ്രകൃതിക്ഷോഭ സാധ്യതയെ തുടര്‍ന്ന് കർഷകർക്ക് അടിയന്തര സഹായം ലഭ്യമാക്കുന്നതിനായി കൃഷിവകുപ്പ് കൺട്രോൾ റൂമുകൾ പ്രവർത്തനക്ഷമമാക്കി. കാലാവസ്ഥയിൽ ഉണ്ടാകാനിടയുള്ള അനിശ്ചിതത്വങ്ങൾ കണക്കിലെടുത്ത്, കൃഷിയിൽ നേരിടാവുന്ന അപകടങ്ങൾക്കായി കർഷകർക്ക് സമയബന്ധിതമായി സഹായം എത്തിക്കാൻ ഉദ്ദേശിച്ചുള്ള നടപടിയാണിത്.

മഴക്കാലത്ത് വിവിധ പ്രകൃതിദുരന്തങ്ങളാൽ കൃഷിക്ക് നാശം സംഭവിക്കുന്ന സാഹചര്യങ്ങൾ പതിവാണ്. ഇത്തരം സാഹചര്യങ്ങളിൽ കർഷകർ നേരിടുന്ന പ്രതിസന്ധി കുറയ്ക്കുന്നതിനാണ് കൺട്രോൾ റൂമുകൾ തുറന്നത്. കൃഷിയിൽ ഉണ്ടാകുന്ന നഷ്ടങ്ങൾ റിപ്പോർട്ട് ചെയ്യാനും സഹായങ്ങൾക്കായി അപേക്ഷിക്കാനും കർഷകർക്ക് ഈ കേന്ദ്രങ്ങളിലൂടെ അവസരമുണ്ടാകും.

കണ്ട്രോൾ റൂമുകളുടെ ഫോൺ നമ്പറുകൾ കൃഷിവകുപ്പിന്റെ ഔദ്യോഗിക വെബ്‌സൈറ്റിലൂടെയും സോഷ്യൽ മീഡിയയിലൂടെയും പ്രസിദ്ധീകരിച്ചിട്ടുണ്ട്. ജില്ലാ തലത്തിൽ കൺട്രോൾ റൂമുകൾ പ്രവർത്തിക്കുന്നതിനാൽ കർഷകർക്ക് തങ്ങളുടെ പ്രദേശവുമായി ബന്ധപ്പെട്ട പ്രത്യേക സഹായങ്ങൾ തേടാനാകും.

ജില്ലാ അടിസ്ഥാനത്തിൽ കൺട്രോൾ റൂം നമ്പറുകൾ

• തിരുവനന്തപുരം - 9447242977, 9383470086
• കൊല്ലം- 9447349503, 9383470318
• പത്തനംതിട്ട - 9446041039, 9383470499
• ആലപ്പുഴ - 7994062552, 9383470561
• കോഴിക്കോട് - 9447659566, 9383470704
• ഇടുക്കി - 9847686234, 9383470821
• എറണാകുളം - 9497678634, 9383471150
• തൃശൂർ- 9446549273, 9383473242
• പാലക്കാട് - 9447364599, 9383471457
• മലപ്പുറം - 9447227231, 9383471618
• കോട്ടയം - 9656495737, 9383471779
• വയനാട് - 9495012353, 9383471912
• കണ്ണൂർ - 9447372315, 9383472028
• കാസർകോട് - 9447289615, 9383471961
• ഡയറക്ടറേറ്റ് - 9496267883, 9383470057  

Thiruvananthapuram: In view of possible natural disasters, the Kerala Agriculture Department has set up control rooms to provide immediate assistance and disaster relief to farmers. These control rooms will help farmers report crop damage and access timely support during emergencies. Contact details have been shared via official channels, ensuring district-level response to agricultural distress.