അബൂദബി: ഇന്ത്യയിലെ മൂന്നു സെക്ടറുകളിലേക്ക് പുതിയ സര്‍വീസുമായി ഇന്‍ഡിഗോ. ജൂണ്‍ 12 മുതല്‍ ഒഡീഷയിലെ ഭൂവനേശ്വറിലേക്കും 13 മുതല്‍ വിശാഖപട്ടണത്തേക്കും മധുരയിലേക്കുമാണ് ഇന്‍ഡിഗോ സര്‍വീസ് ആരംഭിക്കുന്നത്. ഇതില്‍ മധുരയിലേക്കും ഭൂവനേശ്വറിലേക്കും ആഴ്ചയില്‍ മൂന്നു സര്‍വീസും വിശാഖപട്ടണത്തേക്ക് നാലു സര്‍വീസുമുണ്ടാകും. 

പുതിയ സര്‍വീസ് ആരംഭിക്കുന്നതോടെ യുഎഇയിലെ 5 സെക്ടറുകളില്‍ നിന്ന് ഇന്ത്യയിലെ 20 നഗരങ്ങളിലേക്ക് ആഴ്ചയില്‍ 200 സര്‍വീസാകും ഇന്‍ഡിഗോ നടത്തുക.

അബൂദബി-മധുര
തിങ്കള്‍, ബുധന്‍, വെള്ളി ദിവസങ്ങളില്‍ അബൂദബിയില്‍ നിന്നും രാവിലെ 7.30 ന് പുറപ്പെട്ട് ഉച്ചയ്ക്ക് 1.05ന് മധുരയില്‍ എത്തും. തിരിച്ച് 2.35ന് പുറപ്പെട്ട് വൈകീട്ട് 5.20ന് യുഎഇയില്‍ എത്തും.

അബൂദബി-ഭൂവനേശ്വര്‍
ചൊവ്വ, വ്യാഴം, ശനി എന്നീ ദിവസങ്ങളില്‍ അബൂദബിയില്‍ നിന്നും പുലര്‍ച്ചെ 2.35ന് പുറപ്പെട്ട് രാവിലെ 8.35ന് ഭൂവനേശ്വറില്‍ എത്തും. തിരിച്ച് 12.35ന് അബൂദബിയില്‍ എത്തും. 

അബൂദബി-വിശാഖപട്ടണം
തിങ്കള്‍, ബുധന്‍, വെള്ളി, ഞായര്‍ എന്നീ ദിവസങ്ങളില്‍ പുലര്‍ച്ചെ 2.35ന് പുറപ്പെട്ട് രാവിലെ 8.20ന് വിശാഖപട്ടണത്ത് എത്തും. തിരിച്ച് 9.45ന് പുറപ്പെട്ട് ഉച്ചയ്ക്ക് 12.30നു അബൂദബിയില്‍ എത്തിച്ചേരും.  

IndiGo has launched direct flights from Abu Dhabi to three major Indian cities, offering a convenient and affordable travel option for Indian expatriates. The new routes aim to strengthen connectivity and cater to growing passenger demand.