ദോഹ: ഖത്തറിന്റെ കായിക കലണ്ടറില്‍ ഏറ്റവും ആകാംക്ഷയും വാശിയും നിറഞ്ഞ യോടെ കാത്തിരിക്കുന്ന അമീര്‍ കപ്പിന്റെ കലാശപ്പോര് ഇന്ന്. ദോഹയിലെ ഖലീഫ ഇന്റര്‍നാഷണല്‍ സ്റ്റേഡിയത്തില്‍ പ്രാദേശിക സമയം വൈകുന്നേരം 7 മണിക്ക് നടക്കുന്ന ഫൈനലില്‍  അല്‍ ഗരാഫയും അല്‍ റയ്യാനും തമ്മിലാണ് പോരാട്ടം. അല്‍ റയ്യാനും അല്‍ ഗരാഫയും സീസണിലെ ആദ്യ ട്രോഫി ലക്ഷ്യമിട്ടാണ് ഇന്ന് കളത്തിലിറങ്ങുക. കരുത്തരായ അല്‍ അഹ്ലിയെ എതിരില്ലാത്ത മൂന്നുഗോളിന് പരാജയപ്പെടുത്തിയാണ് അല്‍ ഗരാഫ കലാശക്കളിക്ക് യോഗ്യതനേടിയത്. സലാലിനെ രണ്ടിനെതിരേ നാലുഗോളുകള്‍ക്ക് കീഴടക്കിയാണ് അല്‍ റയ്യാന്റെ വരവ്. 132.9 മില്യണ്‍ ഖത്തര്‍ ദിര്‍ഹം ആണ് വിജയികള്‍ക്ക് ലഭിക്കുക

മറ്റൊരു ബ്ലോക്ക്ബസ്റ്റര്‍ ഫൈനല്‍ ആകാന്‍ സാധ്യതയുള്ള മത്സരത്തിനുള്ള ഒരുക്കങ്ങള്‍ പൂര്‍ത്തിയായെന്ന് ഖത്തര്‍ ഫുട്‌ബോള്‍ അസോസിയേഷന്‍ (ക്യുഎഫ്എ) പ്രതിനിധി അലി അല്‍സലാത്ത് പത്രസമ്മേളനത്തില്‍ പറഞ്ഞു. ടിക്കറ്റുകള്‍ ഭൂരിഭാഗവും ഇന്നലെ വൈകിട്ട് തന്നെ വിറ്റുപോയതിനാല്‍ 44,828 സീറ്റുകളുള്ള സ്റ്റേഡിയം നിറഞ്ഞുകവിയുമെന്ന് ഉറപ്പാണ്. മെയ് 19 ന് ആരംഭിച്ച ടിക്കറ്റ് വില്‍പ്പനയ്ക്ക് മികച്ച പ്രതികരണമാണ് ലഭിച്ചതെന്നും അല്‍സലാത്ത് വെളിപ്പെടുത്തി. താരങ്ങള്‍ക്ക് റെക്കോഡ് സമ്മാനത്തുക ലഭിക്കുന്നത് പോലെ തന്നെ ആരാധകര്‍ക്കും ആകര്‍ഷകമായ നിരവധി സമ്മാനങ്ങള്‍ ലഭിക്കും. 50 റിയാല്‍, 30 റിയാല്‍, 10 റിയാല്‍ എന്നിങ്ങനെയാണ് ടിക്കറ്റുകളുടെ വില. ഓരോ വ്യക്തിക്കും പത്ത് ടിക്കറ്റുകള്‍ വരെ വാങ്ങാന്‍ അനുവാദമുണ്ട്. കാര്‍ റാഫിള്‍ ഉള്‍പ്പെടെ 500,000 ഖത്തര്‍ റിയാല്‍ വിലമതിക്കുന്ന സമ്മാനങ്ങള്‍ ആണ് ആരാധകര്‍ക്ക് വാഗ്ദാനം ചെയ്യുന്നത്. കൂടാതെ, ഫാന്‍ സോണില്‍ വൈവിധ്യമാര്‍ന്ന ആക്ടിവിറ്റീസും ഉണ്ടാകും. കിക്കോഫിന് മുമ്പ് വൈകുന്നേരം 4 മണിക്ക് ആണ് സ്റ്റേഡിയം ഗേറ്റുകള്‍ തുറക്കുക. സ്റ്റേഡിയത്തിലുടനീളമായി 31 കഫറ്റീരിയകളും പള്ളികളും 62 നിയുക്ത ഹോസ്പിറ്റാലിറ്റി ഏരിയകളുമുണ്ടെന്നും അദ്ദേഹം പറഞ്ഞു.

The Amir Cup final remains one of the most eagerly awaited events on Qatar's sporting calendar, and the organising body is leaving no stone unturned to deliver an exceptional experience for all stakeholders.